POP 5

Lajmet më të lexuara të 5 minutave të fundit

Ekonomi

Në shkurt nis puna për ndërtimin
e tubacioneve të TAP në Shqipëri

Viti 2016 do të jetë i rëndësishëm sa i përket ndërtimit të gazsjellësit transbalkanik TAP. Qeveria shqiptare synon që në mesin e këtij viti të fillojë punimet për hapjen e trasesë së tubacionit dhe ndërtimin e tij.
TIRANË - Viti 2016 do të jetë i rëndësishëm sa i përket ndërtimit të gazsjellësit transbalkanik TAP. Qeveria shqiptare synon që në mesin e këtij viti të fillojë punimet për hapjen e trasesë së tubacionit dhe ndërtimin e tij.
 
Në fund të janarit pritet të vijnë në Shqipëri tubacionet e para ndërsa në mars do të fillojë shpërndarja e tyre përgjatë korridorit ku do të kalojë gazsjellësi.
 
Deri më sot janë punësuar në këtë projekt 1050 persona, ndërsa numri pritet të shumëfishohet në muajt në vijim.
 
Gazsjellësi Trans Adriatik do të transportojë gaz natyror nga rajoni Kaspik në drejtim të Evropës. Ai do të përshkojë Greqinë e Veriut, Shqipërinë, Detin Adriatik e më pas do të dalë edhe një herë në tokë në Italinë Jugore për t’u lidhur me rrjetin italian të gazit natyror. Gjurma e TAP-it përmes Shqipërisë është rreth 215 kilometra në pjesën tokësore dhe 37 km në pjesën detare në ujërat territoriale shqiptare të Detit Adriatik. Seksioni fillon në Bilisht të Korçës në kufirin shqiptar me Greqinë dhe mbërrin në Detin Adriatik 17 km në veriperëndim të Fierit, 400 metra në tokë nga vija bregdetare. Përgjatë kësaj gjurme do të ndërtohen nëntë stacione valvulash bllokimi.
 
Gjatë verës së vitit 2015, TAP nisi ndërtimin dhe rehabilitimin e rrugëve dhe urave ndihmëse përgjatë gjurmës së gazsjellësit në Shqipëri. Në zonat malore, do të ndërtohen afërsisht 51 km rrugë të reja dytësore, ndërsa 41 km ekzistuese do të përmirësohen. Do të rehabilitohen 42 ura dhe do të ndërtohen tre të reja.
 
Punimet pritet të në të përfundojnë verën e 2016, kur pritet të nisë dhe ndërtimi i vetë gazsjellësit. Puna për ndërtimin e çdo ‘segmenti’ zakonisht llogaritet të zgjasë nga tre në gjashtë muaj ndërsa tubacioni do të jetë i futur nëntokë.

Redaksia Online
Gre.M/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Biden dhe Trump përpjekje për armëpushim në Gazë para 20 janarit

Biden dhe Trump përpjekje për armëpushim në Gazë para 20 janarit

11 Janar, 16:36