Naço: Policia e Beratit presion
ndaj mbështetësve LSI e PS

BERAT -  Nasip Naço denoncon kandidatin nr.2 të PD-së për ushtrim presioni dhe kërcënimesh ndaj strukturave dhe anëtarëve të LSI dhe të majtës së bashkuar dhe se strukturat e policisë që janë vënë në shërbim dhe fovorizim të Astrit Velias.

Në një konferencë për shtyp nga qyteti i Beratit, kandidati i LSI-së akuzon policinë e Beratit për veprime të paligjshme që janë ndërmarrë ndaj simpatizantëve të LSI-së.

Naço thotë se policia me urdhër të kandidatit të PD-së po shoqëron pa asnjë motiv dhe mandat arresti mbështetës të LSI-së dhe PS-së.

Ai është shprehur se LSI ka përgatitur dosjen me dokumentacionin e nevojshëm për të bërë kallzim penal në prokurori kundër inspektorëve e drejtuesve të policisë Berat dhe kundër kandidatit demokrat, ndërkohë që kjo dosje i është përcjellë edhe OSBE-së e strukturave të tjera ndërkombëtare.

Naço thotë se denoncimin do e bëjë edhe tek OSBE/ODIHR dhe i kërkon presidentit Bujar Nishani të ndërhyjë për të ndaluar presionin e policisë. Mbrëmë pati sherr mes dy militanteve, PD dhe LSI në mitingun e Astrit Velia.

REAGON POLICIA
Ka reaguar menjeherë Drejtoria e Policisë së Qarkut Berat. Në një konferencë për shtyp,zëdhënësia e këtij institucioni Valbona Qafa bëri me dije se incidenti elektoral që ka ndodhur mbrëmjen e djeshme në një lokal në lagjen “Çelepias” ku pritej të zhvilllohej një takim elektoral me kandidatin demokrat, është provokuar nga mbështetës të LSI-së. Sipas policisë-personi që ka ushtruar dhunë ndaj mbështetësve demokratë në këtë lokal është shpallur në kërkim, ndërkohë që 6 shtetas të tjerë që e përkrahën janë shoqëruar në polici dhe pasi kanë dhënë deklaratat në lidhje me rrethanat e kësaj ngjarjeje janë lënë të lirë.  Policia e Beratit i bënë apel të gjitha forcave politike të ndalojnë dhunën elektorale,pasi në të kundërt do përballen me ligjin.

Redaksia online
(sg/shqiptarja.com)

TAG:
• OSBE