POP 5

Lajmet më të lexuara të 5 minutave të fundit

Kronikë

'Na sorollasin, lekët i marrin ata me vila', denoncon nëna me fëmijët që jeton prej 9 muajsh në çadër, PD publikon videon

Një qytetare nga Thumana e cila ka mbetur pa shtëpi dhe jeton në çadër prej 9 muajsh që nga tërmeti i 26 nëntorit thotë se shteti e ka lënë në harresë totale e nuk i ka dhënë asnjë lloj ndihme.

Një qytetare nga Thumana e cila ka mbetur pa shtëpi  dhe jeton në çadër prej 9 muajsh që nga tërmeti i 26 nëntorit thotë se shteti e ka lënë në harresë totale e nuk i ka dhënë asnjë lloj ndihme. Ajo thekson se lekët e ndihmat po i marrin ata me vila dhe jo banorët që kanë me të vërtet nevojë.

Ish-deputetja e Partisë Demokratike, Oriola Pampuri ishte në banesën e shkatërruar të Lirie Xhixhas. Qytetarja thotë se edhe çadrën ku rri ajo bashkë me fëmijët dhe bashkëshortin e saj, e ka siguruar vetë nga bizneset e zonës.

"Jam banore e Thumanës mbi 120 vjet.  Jam vendalie në tokën e Thumanës, me xhaxhat, me vëllezër me motra, me të gjithë njerëzit. Pse pikërisht ky shtet të mos na i bëjë shtëpiat ku i kemi. Ne i duam shtëpiat ku i kemi tokat tona. Unë i kam tokë babe. Nuk kam në tokë ngatërresa, kam tokë babe. Jetoj me fëmijë të vegjël në çadra mbi 10 muaj pa asnjë përkrahje. Ne jemi pa shtëpi, jemi në ditë të sikletit jemi në depresion. Ne në vend të na japë dorë shteti,ne na japin shtysën. Në në vend me na vënë dorë shteti, ne na japin çadra, këtu jetojmë në çadra, flihet në çadra? Këtu sot në këtë ditë, në ditën më të shtrenjtë, ne po flemë përjashta në verandë me problemet tona që kemi i di krejt shteti, shteti s'ka bërë asnjë lloj gjëje, asnjë lloj gjëje! Shkojmë nëpër komuna nuk gjejmë drejtësi, marrin njerëz që kanë vila lekë, pa asnjë gërvishtje kanë marrë lek. Ku jemi ne, ku jemi ne asnjë lek s'po marrim, shkoni kontrolloni vilat kanë marrë nga 5 milion lek dhe nuk kanë asnjë gërvishtje, po ne kush jemi?”, thotë ajo.

Thumana ishte një nga vatrat që pati më shumë dëmtime dhe viktima nga tërmeti i 26 nëntorit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02