POP 5

Lajmet më të lexuara të 5 minutave të fundit

Kronikë

‘Nafta duhet të ishte nën 200 lekë për litër’, Konfindustria kritikon vendimmarrjen e Bordit të Transparencës: Pasoja shkatërrimtare për qytetarët

Konfindustria ka kritikuar vendimet e ndërmarra nga Bordi i Transparencës për çmimin e karburanteve, duke theksuar se çmimi aktual për naftën duhet të ishte të pakën nën nivelin e 200 lekëve për litër.

‘Nafta duhet të ishte nën 200 lekë për litër’, Konfindustria kritikon vendimmarrjen e Bordit të Transparencës: Pasoja shkatërrimtare për qytetarët

Foto ilustruese

Konfindustria ka kritikuar vendimet e ndërmarra nga Bordi i Transparencës për çmimin e karburanteve, duke theksuar se çmimi aktual për naftën duhet të ishte të pakën nën nivelin e 200 lekëve për litër, duke marrë parasysh edhe vlerën në tregjet botërore.

Në reagimin e bërë nga Konfindustria, thuhet se çmimet janë më të lartat në rajon dhe se kanë pasoja shkatërrimtare për biznesin, qytetarët dhe ekonominë kombëtare.

“Konfindustria shpreh shqetësimin e përsëritur për mënyrën e vendimarrjeve të Bordit të Karburanteve, qartësisht në kundërshtim me interesin publik me çmimet më të larta në Rajon dhe kahjet e dukshme rënëse të tregjeve botërore. Çmimet e larta krahësimore dhe absolute të karburanteve janë me pasoja afatgjata shkatërrimtare për biznesin, qytetarët, ekonominë kombëtare si dhe nxisin kontrabandën masive, që mund të shkojë në mbi 300 milion euro/vit.

Shembull i qartë për sa më sipër janë vendimarrjet e javës së parë të muajit dhjetor 2022. Duke vlerësuar krahësimisht çmimet e tregjeve botërore me periudhën e fillimvitit, sot produkti “naftë” duhet të ishte të paktën nën nivelin e 200 lekë/litër nga 209 lekë/litër të vendosur nga Bordi”-thuhet në reagimin e bërë nga Konfindustria.

Sipas Konfindustrisë, ajo çfarë bie në sy është reagimi i menjëhershëm i Bordit të Transparencës në rastin e rritjes së çmimit në tregjet botërore duke e rritur menjëherë, ndërsa në rastin kur kishte ulje, kishte tejzgjatje në kohë për të marrë një vendim.

“Bien në sy vendimarrjet e menjëhershme të Bordit në rast të rritjes së çmimeve të karburanteve në tregjet botërore dhe tejzgjatja në kohë në rastin e rënies. Gjithashtu, rritjet e çmimeve në vlerë absolute janë shumë më të forta, sesa uljet përkatëse. Konkretisht, në vendimarrjet e fundit brenda dy ditësh Bordi rrit fillimisht çmimin e “naftës” me 8 lekë/litër dhe e uli me 5 lekë/ litër me rritje përfundimtare me 3 lekë/litër. Ndërkohë, çmimet e tregjeve botërore dhe rajonale janë në ulje të qartë.

Konfindustria ka kërkuar themelimin e Entit Rregullator të Karburanteve në varësi të Kuvendit të Shqipërisë dhe me përbërje të profesionistëve. Bordi i Karburanteve ka në përbërje antarë me konflikt të qartë interesi. Gjysma e antarëve vendimarrës janë pikërisht përfaqësues të subjekteve, që duhet të jene objekt kontrolli”-shtohet në reagim.

Dy ditë më parë, Bordi i Transparencës përcaktoi çmimet e reja ku kishte një ulje prej 5 lekësh për çmimin e naftës dhe 8 lekësh për çmimin e benzinës. Nga 3 dhjetori, nafta tregtohet me 209 lekë/litri nga 214 që ishte më parë. Ndërsa benzina shitet me 187 lekë/litri nga 195 lekë/litri që ishte. Çmimi i gazit nuk ka ndryshuar. Këto çmime mbeten në fuqi deri në mbledhjen e rradhës të Bordit të Transparencës.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça