Nafta, ish-ministri Doda:
Nasip Naço të dorëhiqet
Sipas ish-ministrit të Industrisë dhe Energjetikës Viktor Doda, kreu i METEs Nasip Naço duhet të japë dorëheqjen, pas deklaratave të
papërgjegjshme, të bëra lidhur me pamundësinë e qeverisë për të kontrolluar fitimet e kompanive të naftës.
Ish-ministri i Industrisë dhe Energjetikës Viktor Doda, i cili ka lidhur marrëveshjen e parë koncensionare në fushën e naftës me kontraktorë të huaj, në vitin 2004, e ka cilësuar si të papërgjegjshme deklaratën e para disa ditëve të ministrit të METE-s Nasip Naço, sipas të cilit, qeveria Berisha nuk mund të siguojë një ekspertizë efikase për të kontrolluar kompanitë e naftës, lidhur me vërtetësinë e deklarimit të fitimeve reale të tyre.
Për rrjedhojë, ato, që prej tetë vitesh, nuk paguajnë tatimfitimi në buxhet. Në një intervistë dhënë për "Vizion Plus", Doda tha se ministri Naço duhet të japë dorëheqjen, ndërkohë që e ka sfiduar atë që të bëjë publike kontratën e lidhur më 2004 me një kompani kanadeze të investimeve. Për ish-ministrin, deklarata të tilla tentojnë të mbulojnë korrupsionin, që ka kapur çdo sektor të ekonomisë shqiptare në këto vite të fundit. Për më tepër, formula e zgjedhur për të privatizuar Albpetrolinë, sipas Dodës, është parashikuar që të favorizojë blerësin.
Sipas ligjit, privati që do të blejë 100 për qind të aksioneve të kompanisë shtetërore të naftës Albpetrol, do të gëzojë pas kësaj të drejtën e parë të ofertës për të marrë mbi vete të gjitha koncensionet e tjera te naftës, në rastet kur investitorët aktuale tërhiqen apo atyre u përfundon marrëveshja koncensionare. Për këto arsye dhe të tjera, ky proces privatizimi është konsideruar nga opozita si një aferë korruptive. Qeveria ka dhënë miratimin e saj për hapjen e tenderit për privatizimin e kompanisë shtetërore të naftës Albpetrol, me anë të një Vendimi, që mban datën 1 shkurt, por që nuk është publikuar për shtatë javë rresht. Sipas këtij vendimi, hapja e procedurave të konkurimit do të bëhet në fillim të muajit prill dhe do të mbyllet në muajin korrik, periudhë në të cilën kompanitë e interesuara duhet të kenë dorëzuar ofertën e tyre pranë ministrisë së Ekonomisë. Në rast se nuk do të ketë oferta të mjaftueshme për zhvillimin e garës, vendimi përcakton shtyrjen e mëtejshme të afatit për dorëzimin e ofertave. Në ankand janë nxjerrë 100 për qind e aseteve shtetërore të kompanisë, që u korrespondojnë 13 milionë e 370 mijë aksioneve, me një vlerë nominale prej 1 mijë lekë secili, në një total prej 94.5 milionë eurosh, ndërkohë që vlera minimale e kompanisë, sikurse është deklaruar deri tani, është rreth 500 milionë dollarëve.
(aq/shqiptarja.com)
Sondazhi i ditës:
Çfare prisni nga sesioni i ri parlamentar?
-
Dialog
23.4%
-
Debat
46.9%
-
Nuk e di
29.7%
Vota total: 145
Votat totale janë unike
Lajme të tjera
-
Ndërron jetë ushtari i Ukrainës në Prizren, policia nis hetimet
31 Gusht, 22:38
-
'Ti flet gjuhën serbe', Vuçiç përplaset me presidentin malazez në forumin e Pragës, ja si i përgjigjet Milatoviç
31 Gusht, 22:31
-
‘Busti i Skënderbeut në Itali, si portreti i Ramës’, Balla i përgjigjet Berishës: Mendja gjë e madhe
31 Gusht, 22:08
-
Superliga/ Trajneri serb debuton me fitore, Partizani 'kap' Egnatian në krye! Skënderbeu mposht 1-0 Vllazninë, paqe në Laç
31 Gusht, 22:00
-
Cilat janë 3 ushqimet që veprojnë si antidepresantë
31 Gusht, 21:59
-
Burri e leu me benzinë dhe i vuri flakën, reagon ministrja e Shëndetësisë: Mjekët po bëjnë më të mirën për Melisën
31 Gusht, 21:53
-
Çfarë duhet ta trandi realisht Shqipërinë?!
31 Gusht, 21:32
-
NATO kërkon angazhimin e plotë të Kosovës në procesin e dialogut: Jeni zotuar se s’do të ndërmerrni veprime të pakoordinuara
31 Gusht, 21:25
-
Suksesi në 'Paris 2024', Sahit Prizreni konfirmohet në postin e Presidentit të Federatës Shqiptare të Mundjes
31 Gusht, 21:19
-
Mero Baze: PD betejë ligjore t'i rikthejë portin “Kurum”-it
31 Gusht, 21:01
-
Vuçiç: Serbia nuk ka gjasa të anëtarësohet në BE në vitin 2028
31 Gusht, 20:51
-
Itali/ Zbardhet dëshmia e anëtarit të ekuipazhit të jahtit që u fundos në Palermo: Zgjova kapitenin, anija u anua, u përpoqëm t'i shpëtonim të gjithë
31 Gusht, 20:33