POP 5

Lajmet më të lexuara të 5 minutave të fundit

Sociale

Nafte pa akcisë/ Fermerët e Korçës: Akoma nuk e besojmë, shpresojmë të ndodh! Po të na ulë dhe çmimin e plehut mirë do ishte

Fermerët e Korçës mirëpresin paketën e ndihmës, prezantuar nga Kryeministri për heqjen e akcizës së naftës. Nëse në 2021 nafta do të jetë me gjysmë çmimi, kjo përkthehet në rritje të fitimeve, thanë ata për mikrofonin e Report Tv. Mes tyre, ka edhe skeptikë e shohin vetëm si premtim elektoral. 

KORÇË- Nga viti 2021 të gjithë fermerët që posedojnë NIPT do të përfitojnë naftën me gjysmën e çmimit të tregut. Fermerët e Korçës thanë se kjo paketë ndihmë do të sjellë rritje të fitimeve.

“Ne shpresojmë shumë që të ndodhë, por nuk e dimë. Akoma nuk besojmë. Nuk jemi ndihmuar në asnjë drejtim. Karburant, taksa po na i uli do na ndihmonte shumë”, tha një fermere.

“Ne lehtësira kemi po na uli naftën, plehra kimike”, u shpreh një tjetër.

Report Tv ishte në fshatrat Dvoran dhe Kamenicë, ku kultivohen fasulet dhe lakrat. Ndërsa nga pemët frutore, mollët, të cilat këtë vit kanë prodhim dhe treg të mirë.

“Karburanti problem është. Nuk besoj se ka përfitime se në bazë të niptit të fermerit mund të na kërkohet TVSH e prodhimeve”, tregoi një tjetër.

“Po të ulë naftën e shpenzimet jemi në rregull. Plehu është 50 mijë lekë kuintali. Po ta ulë 40 do ishte mirë. Nuk ka hyrë mall nga jashtë. Mirë ka qenë sivjet”, tha një korçar.

Por ka edhe fermerë që janë skeptikë ndaj paketës së prezantuar nga Kryeministri Rama.

“Nuk besoj. Asnjë nuk besoj. Vetë i tretë këtu. Nuk kam pasur asnjë përmirësim. Nga qeveria asnjë, vetëm krahët tonë. Të mban vetëm me të ngrënë se  gjë tjetër nuk kemi. Të riparojmë diçka, apo të shkojmë me pushime nuk bëhet fjalë”, u shpreh një kultivuese fruta-perimesh.

Janë rreth 47 mijë fermerë në mbarë vendin të pajisur me NIPT që do të përfitojnë nga paketa e ndihmës në bujqësi. Kryeministri Rama është shprehur 10 ditë më parë se heqja e akcizës dhe dy taksave do të sjellë përgjysmimin e çmimit të naftës.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02