Namik Kopliku: Shkodranët i
përfaqësoj më mirë në Kuvend

TIRANE - Deputeti i Partisë Socialiste në qytetin e Shkodrës, Namik Kopliku shprehet i bindur se ai dhe deputetët e tjerë të qytetit të Shkodrës i përfaqësojnë më mire qytetarët e tyre në Kuvendin e Shqipërisë.

Kopliku nuk i ka shpëtuar përshfirjes në “listat” kandidaturave paraprake të socialistëve në qytetin e Shkodrës. Megjithatë vetë deputeti, pohon se punën e tij mund ta tregojë më mirë duke qenë pjesë e Kuvendit.
 
Z.Kopliku mes kandidaturave të tjera edhe emri juaj është lakuar si një kandidat i mundshëm për Bashkinë e Shkodrës. Ju vetë si e komentoni këtë lajm?
Sigurisht aludime dhe emra kanë filluar të lakohen. Personalisht mendoj se është shumë herët për të folur për emra konkretë, ndërkohë që në lidhje me pyetjet tuaj dua të theksoj se pavarësisht vlerësimeve që mund të bëhen, mendoj se kontributin tim personal mund ta jap dhe dëshiroj ta jap më mirë në punën time në Kuvend.

Deri në këtë moment janë përfolur shumë emra ndërkohë që Shkodra shihet si mjaft e dëshiruar nga socialistët në këto zgjedhje?
Shkodra është kryeqendra e veriut, ndaj edhe përqëndrimi i të majtëve në këtë qytet do të jetë vërtet i madh. Them të majtëve pasi siç edhe është bërë publike ne do të garojmë me kandidatë të përbashkët me aleatët e LSI-së.

Çfarë pritshmërish keni nga Reforma Territoriale?
Kjo reformë më shumë se pritshmëri elektorale, nga mazhoranca
shihet si një ndryshim rrënjësor i mënyrës së funksionimit të pushtetit vendor. Shkodra dhe çdo bashki tjetër do kenë më shumë fonde.
 

*Shkrimi u botua ne Shqiptarja.com (print)

Redaksia Online
(Gre.MShqiptarja.com)