Kryetarja e Dhomës së Përfaqësuesve të SHBA Nancy Pelosi u takua me liderët dhe ligjvënësit tajvanezë të mërkurën, përfshirë presidenten e Tajvanit Tsai Ing-wen.
Kryetarja e Dhomës së Përfaqësuesve të Shteteve të Bashkuara, Nancy Pelosi, tha se dëshiron ta bëjë “të qartë” se Shtetet e Bashkuara nuk do ta braktisin Tajvanin, ndërsa fliste nga zyra presidenciale.
‘Sot, delegacioni ynë… erdhi në Tajvan për ta bërë të qartë se nuk do të braktisim angazhimin tonë ndaj Tajvanit dhe ne jemi krenarë për miqësinë tonë të qëndrueshme’, tha Pelosi, duke qëndruar pranë Presidentes Tsai Ing-wen pasi mori nderimin më të lartë civil të Tajvanit.
‘Tani më shumë se kurrë, solidariteti i Amerikës me Tajvanin është vendimtar dhe ky është mesazhi që ne po sjellim këtu sot’, tha Pelosi.
‘Mezi pres ta ekspozoj këtë çmim në zyrën e Kryetarit, ose ta vendos atje, në Kapitol si një simbol i miqësisë sonë të çmuar’, tha ajo për nderin civil.
Pelosi është politikania më e lartë amerikane që ka vizituar Tajvanin që kur kryetari i Dhomës së Përfaqësuesve, Newt Gingrich e vizitoi këtë vend në vitin 1997.
Kina e sheh Tajvanin si provincë të shkëputur, të cilën mund ta marrë edhe me forcë nëse është e nevojshme.
Pelosi ka qenë një kritike e ashpër e Kinës gjatë më shumë se tri dekadave të saj në Kongres - dikur ka shpalosur një pankartë të sheshit Tiananmen të Pekinit, që përkujtonte të vrarët nga regjimi në një protestë pro-demokracisë, më 1989.
Ajo ka qenë, po ashtu, mbështetëse e fuqishme e protestave pro-demokracisë të vitit 2019 në Hong Kong - çfarë e ka bërë atë objektiv të kritikave nga Pekini.
Tajvani gëzon mbështetje të fortë dypartiake në Kongresin amerikan.
Kujtojmë se samiti i fundit i SHBA-ve me Kinën është zhvilluar më 16 nëntor të vitit 2021, atëherë kur ende përflitej çështja e Tajvanit dhe paralajmërohej për një luftë në Ukrainë.
Ndërsa tensionet mes Kinës dhe Tajvanit janë shtuar, Presidenti amerikan Joe Biden pritet të flasë të enjten me presidentin kinez Xi Jinping.
Gjatë një udhëtimi historik në Tajvan të mërkurën, kryetarja e Dhomës së Përfaqësuesve të SHBA Nancy Pelosi, tha se vizita e saj kishte për qëllim ta bënte "të qartë" se Shtetet e Bashkuara "nuk do ta braktisnin" ishullin e qeverisur në mënyrë demokratike.
Pelosi u largua nga Tajvani të mërkurën, rrugës për në kryeqytetin e Koresë së Jugut, Seul, ndërsa u bë kryetarja e parë e Dhomës së Përfaqësuesve në 25 vjet që viziton ishullin.
Lavdërimi i Pelosit për angazhimin e Tajvanit ndaj demokracisë ishte një shfaqje e rëndësishme e mbështetjes për Taipein, që erdhi vetëm disa orë pasi Kina kërcënoi se do të hakmerrej ndaj pranisë së saj me një seri stërvitjesh ushtarake.
"Ne jemi krenarë për miqësinë tonë të qëndrueshme," tha Pelosi, duke folur së bashku me Presidenten e Tajvanit Tsai Ing-ëen në zyrën presidenciale në Taipei.
Kina ka pezulluar importin e agrumeve dhe disa produkteve të peshkut nga Tajvani dhe eksportin e rërës natyrore në ishull, thanë autoritetet kineze të mërkurën, në mes të vizitës së kryetares së Dhomës së Përfaqësuesve të SHBA, Nancy Pelosi në Taipei.
Zëdhënësi i Zyrës së Çështjeve të Tajvanit të Kinës, Ma Xiaoguang tha të mërkurën se importi i grejpfrutit, limonit, portokallit si dhe frutave të tjera agrume, nga Tajvani në Kinë ishte pezulluar.
Në një deklaratë të veçantë, Dogana Kineze tha se pezullimi i importit të frutave agrume është si rezultat i ‘mbetjeve të tepërta të pesticideve’.
Ndërkohë, Ministria e Tregtisë e Kinës njoftoi gjithashtu të mërkurën se po pezullon menjëherë eksportin e saj të rërës natyrore në Tajvan.
Në një deklaratë të mërkurën pas njoftimit, Byroja e Minierave të Tajvanit tha se pezullimi i eksporteve të rërës nga Kina do të kishte një efekt "të kufizuar" dhe se kërkesa e brendshme e Tajvanit për rërë kineze përbën "më pak se 1%" në vitet e fundit.
Komente
Lajme të tjera
-
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29
Amerika kudo qe shkel mbjell lufte dhe urrejtje do zoti i ka oret e numeruara se e shkaterroj boten
Përgjigju