Napoli gjen zëvendësin, Hysaj drejt Anglisë

Bëhet gjithmonë e më i sigurtë largimi i Elseid Hysajt nga skuadra e Napolit. Zërat për një kalim të mundshëm të shkodranit në Angli kanë kohë që qarkullojnë, ndërsa tani duket se edhe vetë drejtuesit e Napolit e kanë pranuar këtë fakt.

Mediet italiane shkruajnë se drejtuesit e Napolit e kanë gjetur tashmë lojtarin e ri të krahut të djathtë të mbrojtjes, që do të zëvendësojë Hysajn, të palëvizshëm në formacionin e trajnerit Sarri. Bëhet fjalë për Bartosh Berezinski, 25-vjeçarin e Sampdorias, që ka impresionuar në këtë sezon.

Mbrojtësi ka folur me patriotët e tij polakë të Napolit, Milik dhe Zielinski. Do të ishte një blerje pa kosto të lartë për Napolin dhe kështu Hysaj duket se do ta vazhdojë diku tjetër karrierën e tij. Vetëm qëndrimi i trajnerit Sarri ndoshta do ta ndryshonte situatën, por edhe kjo ka pak gjasa të ndodhë. 

LEXO EDHE:
GOLAT/ Milani 'shuplakë' 5-1 Cagliarit, kuqezinjtë e mbyllin Serie A në vendin e dytë! Bologna i befason të gjithë, mposht 0-2 Napolin dhe parakalon Juven

Tre janë klubet angleze që kërkojnë Hysajn, me Chelsea që duket në pole position, kjo edhe për faktin se Blutë e Londrës pritet ti drejtojë pikërisht trajneri Sarri, çka do të thoshte se mund të merrte me vete edhe mbrojtësin shqiptar, të cilin e ka rritur vetë që në kohën kur drejtonte Empolin.

Ndërsa opsioni i dytë për Hysajn është Bayern Munchen, që duket gjithnjë e më shumë i zhgënjyer nga Rafinha, një nga shkaktarët e eliminimit nga Champions League pas një gabimi amator. Pritet një verë e nxehtë për Elseid Hysajn.

TAG:
• elseid hysaj
• napoli

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të drejta

  85.4%

• Të gabuara

  10%

• Nuk e di

  4.6%

Vota total: 1682

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të drejta Të gabuara Nuk e di