Napoli përgatit revulucionin. Hysaj në ‘pole-position’ për t’u larguar, edhe Insigne me valixhe në duar

“Do përpiqemi të bëjmë më mirë sezonin e ardhshëm.” Kjo frazë e Anchelotti-t tregon më së miri atë që po gatuhet në shtëpinë e Napolit. Eliminimi nga “Europa League”, dështimi në kampionat dhe Kupë, ka bërë që drejtuesit të mendojnë për një revulucion të vërtetë vitin e ardhshëm.

Te ky revulucion nuk ka shpëtuar as Elseid Hysaj, që së bashku me Mario Rui-n, janë dy futbollistët të cilët janë në ‘pole-position’ për t’u larguar nga Napoli. Ndërkohë emri më i bujshëm që pritet të përshëndetet më të kaltërit është kapiteni Lorenzo Insigne.

Ai ka një kontratë deri në vitin 2022 me Napolin por sipas ‘mediasset’ dashuria mes palëve ka mbaruar edhe pse shtatëshkurtri fiton 4.6 mln euro në sezon. Agjenti i tij, një emër shumë intrigues në botën e futbollit, Mino Raiola, po studion të gjitha mundësitë, por Napoli nuk do të heqë dorë pa 80-100 mln euro.

Sipas gazetës italiane në dritare për të përfituar është Milani, por “djalli” ende nuk ka një shifër të gatshme. Gjithashtu nga të përditshme të tjera përtej adriatikut shkruhet se dy emra shumë të rëndësishëm që nuk janë më në planin e drejtuesve janë Dries Mertnes dhe Callejon. Të dy futbollistët kanë mbushur 32-vjeç dhe nuk shihen si të perspektivës në “San Paolo”.

Ne.k./Shqiptarja.com

TAG:
• elseid hysaj
• napoli
• lorenzo insigne