Mesfushori kishte në dispozicion një penallti të cilën portieri Scuffet e pret por topi shkon sërish në këmbët e Jorghinos që e dërgon në rrjetë në tentativën e dytë. Napoli mund 1-0 Udinesen ngjitet në kuotën e 38 pikëve në krye falë 12 fitoreve dhe 2 barazimeve.
Milani nuk di të fitojë. Kuqezinjtë bënë një paraqitje të mirë ndaj Torinos por dueli në “San Siro” u mbyll pa gola. Në një barazim ngeci edhe Roma që barazoi 1-1 ndaj Genoas.
Në Premier League Manchester City vazhdon marshimin. Djemtë e Guardiolës fitojnë me përmbysje ndaj Huddersfield 2-1 dhe ruajnë diferencën me 8 pikë nga vendi I dytë. Huddersfield e mbylli pjesën e parë në avantazh falë autogolit të argjentinasit Otamendi. Ndërsa City përmbysi gjithçka në pjesën e dytë. Fillimisht barazoi Kun Aguero.
Argjentinasi shndërroi në gol një penallti në fillimin e fraksionit të dytë dhe barazoi shifrat. Goli i fitores u shënua nga Rahem Sterling 6 minuta nga fundi. Anglezi favorizohet nga një karambol dhe e dërgon topin në rrjetë. City mposht 2-1 Huddersfield dhe kryeson Premier League me 37 pikë.
Redaksia Online
J.Sh Shqiptarja.com