POP 5

Lajmet më të lexuara të 5 minutave të fundit

Bota

Narko-puç në Ekuador, ushtria zbret në rrugë me tanke, bandat mbajnë peng mbi 130 punonjës në 5  burgje

Ekuadori është në gjendje të jashtëzakonshme dhe ushtria ka zbritur në rrugë me tanke pas rebelimit të bandave të drogës kundër ndërtimit të burgjeve të sigurisë së lartë. Gjithçka nisi pas arratisjes nga burgu të një prej udhëheqësve më të fuqishëm të drogës dhe sulmit në studio e një televizioni.

Ushtria ka zbarkuar në rrugët e Ekuadorit teksa vendi ka shpallur gjendjen e jashtëzakonshme 60 ditore dhe luftë bandave kriminale. Situata e paprecedentë precipitoi pasi një grup i armatosur sulmoi një studio televizive në transmetim të drejtpërdrejtë në Guayaquil, duke marrë peng gazetarë, analistë dhe staf. Të arrestuar janë 330 persona dhe 13 të tjerë drejtpërdrejt në terrorin në studiot televizive.

Presidenti Daniel Noboa tha: "Ne jemi në një gjendje lufte dhe nuk mund të dorëzohemi". Heshtja ka pushtuar kryeqytetin Quito, me mbyllje të bizneseve, aktiviteteve ekonomike dhe shkollave. Presidenti listoi 22 banda si organizata terroriste objektiva të ushtrisë dhe paralajmëroi se gjyqtarët, prokurorët dhe zyrtarët që bashkëpunojnë me bandat. Më shumë se 130 punonjës të burgjeve po mbahen peng nga bandat në pesë burgje prej të hënës. Trazirat u shkaktuan pasi udhëheqësi i një prej bandave më të fuqishme të drogës në Ekuador - Los Choneros - u zhduk nga burgu.

Adolfo Macias Villamar, i njohur si Fito, po vuante një dënim 34-vjeçar në burgun La Regional për trafik droge dhe vrasje kur u raportua i zhdukur nga qelia më 6 janar. Qeveria pretendoi se vala e fundit e dhunës është rebelim ndaj planit të presidentit për të ndërtuar burgje të reja të sigurisë së lartë për krerët e bandave.

Vendi do të fillojë gjithashtu deportimin e të burgosurve të huaj, veçanërisht kolumbianëve, për të reduktuar popullsinë dhe shpenzimet e burgjeve. Zëdhënësi i Këshillit të Sigurisë Kombëtare John Kirby pohoi se Uashingtoni ishte i përkushtuar “të ndihmojë në mbështetjen e sigurisë dhe prosperitetit për popullin e Ekuadorit”.

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01