Pas disa dekadave, rreth 50 viteve, NASA ka ndërmarrë një mision për të rikthyer astronautët sërish në Hënë. Misioni Artemis 2 do të dërgojë astronautët e NASA-s Reid Wiseman, Victor Glover, Christina Koch dhe kanadezin Jeremy Hansen në një udhëtim afërsisht 10-ditor rreth Hënës.

Astronautët e Artemis II u veshën me kostume dhe po shkojnë drejt Platformës së Lansimit 39B. Reid Wiseman, Victor Glover dhe Christina Koch të NASA-s, së bashku me astronautin e Agjencisë Hapësinore Kanadeze Jeremy Hansen, u pritën nga një turmë njerëzish teksa po shkonin drejt anijes kozmike Ata kanë qenë në ‘karantinë’, por patën mundësi t'i shihnin familjet e tyre duke i përcjellë nga larg, në disa momente emocionuese.

Ata përshëndetën me dorë, buzëqeshën dhe biseduan me njerëzit që ndodheshin në krahun tjetër. Wiseman po fliste me dy vajzat e tij, raportoi Randi Kaye e CNN, e cila ndodhet në qendrën hapësinore. Ai u tha atyre se do të përpiqej të qëndronte në kontakt me to sa më shumë që të mundej.


Lajmi kryesor:

LIVE TV- Artemis II, niset misioni hapësinor i NASA-s, pas 54 vitesh rikthim në Hënë