Dy artistë shqiptarë Gent Rushi në piano, Ermal Rodi në saksofon dhe i ftuari special artisti izraelit Lior Yekutieli kanë tërhequr për tre orë rresht vëmendjen e publikut në Hotel Rogner ku mbahet ky festival
Mbrëmja e mërkurës ka nisur me dyshen Lior Yekutieli & Gent Rrushi. Artisti izraelit Yekutieli është përfshirë në botën mzuikore që në moshën 9 vjeçare.
Ndërsa në moshën 11 vjeçare ai ishte i aftë të luante muzikë klasike në kitarë. Në moshën 20 vjeçare nisi të ekspolorente botën e jazz që nga Afrika në Eruropë e deri sa u bë pjesë e bandës së Izraelit.
Është kjo vjelje e përvojave muzikore që e ka bërë të sigurtë e të pagabueshëm në interpetimet e tij muzikore.
Duke luajtur në kitarën klasike Lior profilizohet si një nga solistët më interesantë që ndërthur në mënyrën më origjinale klasiken me elementë të mirëfilltë të jazz. Interpretimet e tij lanë një mbresë të veçantë në publik.
Performanca bëhet edhe më origjinale nën shoqërinë e pianos së Gent Rushit, që është njëkohësisht organizator dhe pjesëmarrës në këtë festival. Rushi është artisti që kështë përpjekur të luftojë fort për krijuar traditën e jazz në Shqipëri.
I vetëdijshëm se ky zhanër kërkon teknikë dhe stil të lartë, Gent Rushi tashmë është i aftë të koordinojë me artistët nga e gjithë bota e jazz-it.
Ndërsa në skenë ngjitet artisti tjetër shqiptar Ermal Rodi, kupton se tradita e jazz në Shqipëri po themelohet me profile kaq të veçanta artistike. Artisti shqiptar Rodi me saksofonin e tij demonstron atë që artistët e jazz e kanë më të vështirë, ndërthurjen e elementit folklorik shqiptar me me stilizimet muzikore të këtij zhanri.
Ashtu siç është parashikuar edhe në programin e festivalit, artistët pjesëmarrës nga të gjitha vendet e botës, pas çdo performance në Hotel Rogner, nisen për koncertin e radhës në qytete të tjera të Shqipërisë, në Shkodër, Korcë, Pogradec e më gjerë.
Redaksia Online
e.m/Shqiptarja.com