Një raketë balistike e lëshuar nga Irani hyri sot në hapësirën ajrore të Turqisë dhe u rrëzua nga sistemet e mbrojtjes ajrore të NATO-s.

Ministria e Mbrojtjes në Ankara tha se raketa u identifikua dhe u neutralizua nga mbrojtja ajrore e aleancës përpara se të përbënte kërcënim për territorin turk.

Sipas autoriteteve turke, fragmentet e raketës kanë rënë pranë qytetit Gaziantep, në juglindje të vendit. Zona u izolua nga forcat e sigurisë për kontrolle, por nuk raportohet për viktima apo të plagosur.

Incidenti shihet si një përshkallëzim i ri i konfliktit në rajon, pasi për herë të parë një raketë nga lufta ka hyrë në hapësirën ajrore të një vendi anëtar të NATO-s.

Autoritetet turke thanë se do të publikojnë detaje të tjera nëse dalin informacione të reja për trajektoren e raketës dhe objektivin e mundshëm.


Lajmi kryesor:

Lufta/ NATO rrëzon raketën balistike iraniane mbi Turqi, Macron: Sulmi ndaj Qipros është sulm ndaj Europës! Bejruti: Gati për negociata me Tel Avivin