POP 5

Lajmet më të lexuara të 5 minutave të fundit

Drejt Punës

Nazif Muçi, gurgdhendësi i sokakëve të Beratit: E mësova duke imituar vëllezërit

Tradita e gdhëndies së gurit është e vjetër sa vetë historia e qytetit muzeal të Beratit. Ne do t'ju sjellim këtë të diel historinë e Nazifit, i cili e ka mësuar zanatin nga vëllai dhe thotë se do ta vazhdojë sa të ketë jetën.  Ai gjithashtu me keqardhje shprehet se të paktë janë të rinjtë që po e trashëgojnë mjeshtrinë e gurit për shkak se pagat janë të ulëta.

Në çdo pëllëmbë të sokakëve të Beratit është dora e tij që gdhend gurin me çekan dhe e qëndis në rrugica. Nazif Muçi është 60 vjeç dhe punon me të njëjtin pasion si 46 vite më parë.

"Ja ky guri duhet goditur lehtë sepse është më i butë nuk duhet t'ia prishim formën kurse ky tjetri më i fortë e kështu me radhë".

Në Berat pothuajse të gjitha lagjet e vjetra janë me kalldrëm, jo vetëm ato muzeale. Me Nazifin takohemi tek rrugica pranë Xhamisë së Beqarëve.

"Unë kam mësuar nga vëllezërit e mi. Isha 10 vjeç kur mora gurin e parë dhe fillova të imitoja vëllezërit e mi. Dhe që nga ajo ditë nuk jam ndarë këtij profesioni e dua shumë".

Gurgdhendësi i njohur i Beratit na tregon me detaje si ndërtohen kalldrëmet.

"Ky guri është i lumit është i lëmuar ndërsa ky është prej karierave malore  po ky nuk përdoret shumë për kalldrëm sepse me kalimin e kohës lëmohet dhe bëhet i rrëshqitshëm"

Artizanë si Nazifi gjen gjithnjë e më rrallë në qytet... Thotë se të rinjtë duhen stimuluar për të trashëguar këtë profesion të vjetër sa historia 2400 vjeçare e Beratit.

"Eshtë për të ardhur keq që ky profesion po humbet pak nga pak. Ne kemi një qytet të bukur dhe guri i gdhendur është baza e bukurisë së tij. Kalldrëmet e qytetit tonë duhen të mirëmbahen. Prej vitesh ky qytet i ruan këto kalldrëme nga duar e mjeshtërve .Ndaj të rinjtë që ti afrojmë duhen edhe të stimulohen."

Nazifi nuk njeh moshë pensioni, ky profesion i siguron të ardhura dhe e mban në formë.

"Kështu dua të jem gjithë jetën duke gdhendur gurin! E dua këtë profesion dhe të bëjmë të pamundurën ta trashëgojmë në breza. Ky qytet është i bukur duhet të trashëgohet profesion në breza. Qyteti ynë dhe këto rrugica të  jenë po kaq të bukura përherë."

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16