SHBA - Elita e basketbollit amerikan, NBA zhvilloi tetë ndeshjet e radhës në parket. Sukses për Oklahoma dhe Cleveland në dy Konferencat përkatëse, duke mbajtur vendet e para. Golden State u mposht në Miami.

Pas një ndeshje spektakolare, Oklahoma City Thunder triumfuan në udhëtim me Sacramento Kings me 16 pikë diferencë 121-105 dhe mbeten në krye të Konferencës së Perëndimit. Si gjithmonë, kanadezi Shai Gilgeous-Alexander ishte më i miri në këtë fitore me 32 pikë, tetë kërcime e pesë asistime.

Me lojë të mirë u dallua edhe Holmgren me 18 pikë e 10 kërcime, teksa Alex Caruso e mbylli sfidën me 15 pikë. Keegan Murray ishte më efikasi te skuadra vendase me 28 pikë, por që nuk mjaftuan për fitore.

Cleveland mbetet skuadra më e mirë në Lindje, duke fituar 122-111 ndaj Portland. Garland me 27 pikë e Jerome me 25 pikë bënë diferencën në parket. Fiton edhe Detroit, 122-96 ndaj San Antonio, me Marcus Sasser protagonist, autor i 27 pikëve.

Rikthehet te fitorja Miami, që mundi 112-96 Golden State. Adebayo me 27 pikë ishte më i miri në fushë, ndërsa për Warriors mungoi lojtari-lider. Fiton edhe Houston, 121-114 ndaj Atlanta (Green 32 pikë), ndërsa Orlando mundi 111-104 Charlotte (Banchero 32 pikë).

Rezultatet:

Charlotte – Orlando, 104-111

Detroit – San Antonio, 122-96

Miami – Golden State, 112-86

New York – Dallas, 128-113

Houston – Atlanta, 121-114

Utah Jazz – Memphis, 103-140

Portland – Cleveland, 111-122

Sacramento – Oklahoma, 105-121

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera