POP 5

Lajmet më të lexuara të 5 minutave të fundit

Arkiva

 Kreu i PS Rama: Reformë të
thellë strukturore të brendshme

Kryetari i PS Edi Rama gjatë prezantimit të strukturës së re qeverisëse, është shprehur se ajo është e ndërtuar mbi bazën e prioriteteve, por edhe të disa nevojave shumë të rëndësishme që ka vendi. “Do të ristrukturojmë në mënyrë të plotë dhe të thellë godinën apo organikën e kryeministrisë. Do të ketë shkurtim të ndjeshëm të kësaj organike.

Do ketë shkurtim drastik të komiteteve ndërministrore dhe reduktim të numrit të tyre, në funksion të rritjes së fuqisë koordinatave të këtyre komiteteve. Në të gjitha ministritë që s’ndryshojnë apo ndahen, do të ketë një reformë të thellë strukturore të brendshme”, tha kryeministri i zgjedhur Edi Rama, duke përmendur Ministrinë e Brendshme, të Financave, të Jashtme, të Drejtësisë, të Integrimit, Shëndetësisë të cilët nuk do të ndryshojnë në formatim, por që do kenë më shumë kompetenca dhe do kenë një reformë drastike. Ndërkohë që në ministritë e tjera që janë ndarë apo kanë ndryshuar emërtesë do të ketë sipas Ramës një qasje tjetër, një sjellje tjetër dhe një reformë të thellë strukturore për të bërë ndryshimin e kërkuar.

Ndërkohë që gjatë fushatës kreu i PS, ka thënë se do çojë në gjyq drejtorët që bëjnë presion për votën e pjesëmarrjen në mitingjet elektorale. “Do më lejoni që në këtë tribunë t’u them 2 fjalë njerëzve të zakonshëm demokratë, jo atyre drejtorave që pas 23 qershorit i pret gjyqi i publikut. Gjithë drejtorët demokratë që bëjnë presion mbi nëpunësit me votë do përfundojnë në gjyq, për të dhënë llogari për presionet e tyre. Pas 23 qershorit shteti do jetë i qytetarëve e qeveria do jetë e gjithë shqiptarëve”, tha Rama para 23 qershorit.
 
(Shkrimi u publikua sot ne gazeten Shqiptarja.com)

Redaksia online 
(sg/shqiptarja.com)
 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça