Ka ndërruar jetë në moshën 83-vjeçare Eduard Kukan, diplomat dhe politikan me një karrierë shumë të gjatë dhe një mbështetës i integrimit të Shqipërisë në Bashkimin Evropian.
Një minutë heshtje kanë mbajtur deputetët e parlamentit në seancën sotme, në ndër të euro deputetit. Përmes një mesazhi, ngushëllimet e tij për ndarjen nga jeta të Kukan ka shprehur presidentit Ilri Meta dhe ministrja e Jashtme, Olta Xhaçka.
Shkaku i vdekjes së tij bëhet me dije se është një infarkt në zemër. Ai drejtoi diplomacinë e Sllovakisë nga viti 1998 deri në vitin 2006 dhe ishte deputet nga 2009 deri në 2019. Kukan ka qenë një mbështetës në Parlamentin Evropian i integrimit të Shqipërisë në Bashkimin Evropian.
Kukan u diplomua në Institutin Shtetëror të Marrëdhënieve Ndërkombëtare në Moskë në vitin 1968. Më pas përfundoi doktoraturën në drejtësi në Fakultetin Juridik të Universitetit Charles në Pragë dhe në vitin 1993 bëri doktoraturë në drejtësi në Kolegjin Upsala në SHBA.
Kukan shërbeu si ministër i Punëve të Jashtme në 1994, pastaj 1998-2006, pra gjatë të dy qeverive të udhëhequra nga Mikuláš Dzurinda në Sllovaki. Ai mori pjesë edhe në bisedimet e anëtarësimit në Bashkimin Evropian dhe NATO. Në vitin 2004, ai kandidoi pa sukses për president.
Ai përfaqësoi partinë SDKÚ në parlament dhe në vitet 2009 dhe 2014-2019 shërbeu si eurodeputet.
Kukan kishte një karrierë të pasur diplomatike, me postet e tij diplomatike duke përfshirë Zambinë, Shtetet e Bashkuara dhe Etiopinë. Ai gjithashtu shërbeu si përfaqësues i përhershëm në Kombet e Bashkuara dhe në vitin 1999, ai u emërua i dërguari special i OKB-së për Kosovën, së bashku me Carl Bildt.
Për më tepër, Kukan ishte mësues në Fakultetin Juridik të Universitetit Comenius në Bratislavë.
Kryetari i Partisë Demokratike, Lulzim Basha iu është bashkuar mesazheve ngushëlluese për ndarjen nga jetë të ish-eurodeputetit Eduart Kukan.
Përmes një mesazhi në Twitter, Basha thekson se Shqipëria humbi një mik të madh dhe një mbështetës të vendosur të integrimit tonë në BE.
“Thellësisht i trishtuar për ndarjen nga jeta të mikut tim të dashur Eduard Kukan. Mendimet dhe lutjet e mia shkojnë për familjen, miqtë dhe kolegët e tij në të gjithë Evropën. Eduard Kukan ishte një europian i madh dhe një avokat i jashtëzakonshëm i procesit të integrimit të Shqipërisë në BE dhe dekriminalizimit, që humbi sot një nga miqtë e saj më të shquar. U preftë në paqe”, shkruan Basha.
Ministrja e Jashtme, Olta Xhaçka ka shprehur ngushëllimet për ndarjen nga jeta të eurodeputetit Eduard Kukan.
Ajo e cilësoi si një mik të mirë të shqiptarëve dhe një mbështetës të vendit tonë në integrimin evropian.
“U pikëllova kur dëgjova për ndarjen nga jeta të Eduard Kukan. Një mik i mirë i Shqipërisë, të cilit i jemi thellësisht mirënjohës për diplomacinë e tij të mençur dhe mbështetjen për integrimin tonë evropian . U prefsh ne paqe!”, shkruan ajo.
Deputetët e Kuvendit në seancën e stome parlamentare kanë mbajtur një minutë heshtje në nder të eurodeputetit Eduard Kukan, i cili humbi jetën ditën e djeshme.
Presidenti Ilir Meta ka shprehur mesazhin e tij për ikjen nga jeta të eurodeputeti Eduard Kukan.
Ai shkruan se Kukan ishte një avokat i palodhur i integrimit evropian të Shqipërisë dhe Ballkanit Perëndimor.
“I pikëlluar nga humbja e një miku të dashur dhe avokati të palodhur të intgrimit europian të Shqipërisë dhe Ballkanit Perëndimor, Eduard Kukan.
Promotor i demokratizimit të plotë të vendit tonë, kontributi i Tij për forcimin e miqësisë midis dy vendeve tona dhe mbështetja për integrimin europian do të mbetet i paharruar. Ngushëllime familjes dhe kolegëve!”, shkruan ai.
Lajme të tjera
-
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
