Ndahet nga jeta shkrimtari Bardhyl Londo në moshën 74-vjeçare, pas një beteje të gjatë me një sëmundje të rëndë. Prej dy muajsh ishte i shtruar në spitalin Onkologjik në Tiranë. Gjatë 10 ditëve të fundit për shkak se situata e tij ishte përkeqësuar, është mbajtur në reanimacion, ku edhe dha frymën e fundit.
Akademia e Shkencave pas marrjes së lajmit të hidhur e ka nderuar Bardhyl Londo me një minutë heshtje. Londo u përket intelektualëve që ndanë gjatë jetës së tyre dhe angazhimin në politikë. Për shumë vite ai ka qenë deputet në Kuvendin e Shqipërisë, përfaqësues i Partisë Demokratike. Shpesh politika ndihet dhe në vargjet e tij të vona, të fokusuara më shumë te sfidat me të cilat është përballur vendi. Kritik ndaj qëndrimeve që mbahen sot ndaj letërsisë së sociorealizmit, ai bënte shpesh thirrje se duhet ndarë figura e artistit nga qëndrimi i tij politik dhe për ta gjykuar letërsinë pa qëndrimet politike.
Siç thonë miqtë e tij për “Report tv” gjendja e poetit Bardhyl Londo ishte rënduar pas një ndërhyrje që kishte bërë mbi tre vite më parë si dhe disa sëmundje bashkëshoqëruese. Pranë në këto momente të vështira i janë gjendur 2 vajzat, ndërsa bashkëshorten , të cilës i dedikoi poezitë e dashurisë, e ka humbur pak vite më parë. Gjatë dy viteve të fundit përpos situatës shëndetësore, edhe pandemia është bërë shkas që të bënte një jetë më të mbyllur. Homazhet do të mbahen nesër nga Kuvendi i Shqipërisë
Bardhyl Londo ka lindur në vitin 1948 në Përmet. Studioi për gjuhë dhe letërsi në Universitetin e Tiranës. Pas mbarimit të fakultetit ai punoi për disa vite mësues në Përmet dhe më pas për gazetën letrare “Drita”. Për disa kohë ka qenë kryetar i “Lidhjes së Shkrimtarëve dhe Artistëve” (LSHA). Krijimtaria e tij letrare përfshin 8 vëllime me poezi si edhe disa romane. Është fitues i çmimit “Migjeni”.Në Çmimet Kombëtare të Letërsisë, organizuar nga Qendra Kombëtare e Librit dhe Leximit dhe Ministria e Kulturës më 2021, ai fitoi vlerësimin për vëllimin poetik “Prill i hidhur” si vepra më e mirë poetike.
Kryedemokrati Lulzim Basha ka reaguar lidhur me ndarjen nga jeta të shkrimtarit dhe ish-deputetit të Partisë Demokratike, Bardhyl Londo.
Basha ka rikujtuar përmes mesazhit të tij ngushëllues kontributin e shkrimtarit në Partinë Demokratike, ndërsa ka shprehur se ka pasur nderin të shkëmbenin ide muajit e fundit.
“Me trishtim mora lajmin e ndarjes nga jeta të mikut tim, shkrimtarit, politikanit, frymëzuesit të shumë brezave Bardhyl Londo.
Bardhyl Londo i përket atij brezi intelektualësh shqiptarë që talentin dhe identitetin e tyre kulturor e lidhën fort me fatet e vendit dhe shoqërisë shqiptare.
Poeti i njohur la pas vepra dhe vlera si rrallëkush këto 30 vite në demokraci. Ishte fat për mua ta kisha pranë dhe përgjatë muajve të fundit të shkëmbeja me të ide dhe mendime të një diapazoni të gjerë siç dinte veç ai.
Ai dha një kontribut të jashtëzakonshëm si deputet, anëtar Kryesie, anëtar i Këshillit Kombëtar të Partisë Demokratike.
Bardhyl Londo ishte frymëzuesi i madh i ndryshimit në vitin 1990 dhe poezitë e tij për demokracinë ishin refren i shumë shesheve ku u zhvilluan mitingjet e para të Partisë Demokratike.
Ai vazhdoi të ishte krijues i talentuar, intelektual i angazhuar dhe një veprimtar i rëndësishëm i Partisë Demokratike deri në fund të jetës së tij.
Largimi i tij është një humbje e madhe jo veç për familjen e tij por dhe për kulturën, artin dhe politikën shqiptare.
Me ikjen e tij, Shqipëria ka humbur prej qytetarisë dhe urtësisë se tij një zë që dëgjohej me respekt. Familja ka humbur bashkëshortin, babain dhe shtyllën e urtë të saj.
Në emrin tim dhe në emër të Partisë Demokratike, i shpreh familjes dhe të afërmve ngushëllimet më të thella për largimin nga kjo jetë të Bardhyl Londos!
Shpirti i tij u prehtë në paqe!”, shkruan Basha.
Për ndarjen nga jeta të poetit dhe shkrimtarit të njohur Bardhyl Londo, ka reaguar presidentin i vendit, Ilir Meta.
Ai shprehet se Londo do të kujtohet përherë me respekt, veçanërisht për vargjet frymëzuese që na la trashëgim të gjithëve, ndërsa ka kujtuar edhe një prej poezive të shkrimtarit “ Atdheu është dhimbje”.
“Me shumë trishtim mësova lajmin për ndarjen nga jeta të poetit dhe shkrimtarit të njohur, Bardhyl Londo, intelektualit aktiv dhe ish-deputetit të Partisë Demokratike.
Një për familjen, miqtë, kolegët dhe letërsinë shqiptare, ku spikati me talentin e tij të veçantë.
Ngushëllimet më të ndjera!
Bardhyl Londo do kujtohet përherë me respekt, veçanërisht për vargjet frymëzuese që na la trashëgim të gjithëve.
ATDHEU ËSHTË DHIMBJE!
Atdheu s'është sa sedilja e makinës tënde,
sa karrigia e zyrës,
sa dhoma komode
A më dëgjon,
ti që me flamur të ri u gdhive në mëngjes,
për ta ndryshuar, ndoshta, prapë në mbrëmje?
Atdheu s'është lojë kalamajsh.
Atdheu është dhimbje.
O Zot,
Dhembje!”, shkruan Meta.
Lajme të tjera
-
U njohën në Radio Tirana! 3 vjet pa shkrimtarin e njohur Shkëlzen Zalli, bashkëshortja rrëfen dashurinë e tyre: E adhuroj edhe atje ku është
18 Maj 2023, 17:56
-
15-vjeçari autor i 2 librave të suksesshëm për fëmijë, Rejvi Dervishi tregon për Report Tv ëndrrat: E ardhmja?! Do të punoj për vendin tim
11 Prill 2023, 19:35
-
115- vjetori i Lindjes se Mitrush Kutelit, i biri kritika Kadaresë: Shtrembëroi historinë
14 Shtator 2022, 09:48
-
Shuhet në moshën 90-vjeçare shkrimtari Nasho Jorgaqi
25 Gusht 2022, 19:41 -
Mbi 400 milionë kopje të shitura, çfarë e bën ende kaq të suksesshëm Leon Tolstoin?
29 Mars 2022, 07:54 -
Frrok Çupi: Pse vdes poeti më shumë se një herë?
23 Shkurt 2022, 14:14
-
'Politika shqiptare nuk i do njerëzit e vlerave', Ilir Kadia: Kam humbur mikun tim! Londo ishte prerja e Dritëro Agollit, ja ku gabova me të
19 Shkurt 2022, 17:21
-
Mbahen homazhet në Kuvend! Të afërm e miq i japin lamtumirën e fundit poetit Bardhyl Londo
19 Shkurt 2022, 11:01
-
I lodhur, i fikur si një fund stuhish
18 Shkurt 2022, 18:38
-
Shuhet poeti i dy kohëve, miqtë rrëfejnë Bardhyl London, nga diktatura si kryetar i Lidhjes e përfshirja në politikë deri në vitet e fundit, që përjetoi dhimbjen e humbjes së bashkëshortes
18 Shkurt 2022, 17:17
-
Për shkak të cilësive të artit
18 Shkurt 2022, 15:16
-
Sot u nda nga jeta/ Rrëfimi i fundit për Report Tv i Bardhyl Londos, mesazhet për kulturën, letërsinë por edhe për politikanët, që 'vrasin ëndrrat e shqiptarëve çdo ditë'
18 Shkurt 2022, 10:55
