POP 5

Lajmet më të lexuara të 5 minutave të fundit

Ndahet "torta" e Foltores: Dëbohet Këlliçi, ja nënkryetarët dhe sekretarët e "rinj"

PD e rithemelimit zgjodhi sot ekipin e ngushtë me të cilin Sali Berisha do të drejtojë. Sekretar i Përgjithshëm do të jetë Flamur Noka ndërsa Këshilli Kombëtar zgjodhi me votim të fshehtë nënkryetarët dhe Sekretarët. Në mbledhjen e sotme Këshilli vendosi të shpallte kryetar nderi, ish presidentin e ndjerë Bujar Nishani i cili e drejtoi deri në vitin 2021 këshillin Kombëtar të PD

TIRANË- Jo surprizë, por tashmë zyrtare! Sali Berisha vendosi të besuarit e tij në postet më të larta të partisë pas kryetarit.

Flamur Noka u zgjodh Sekretar i Përgjithshëm përballë Arben Ristanit, ndërsa mes 4 kandidatësh, 2 nënkryetarët e PD së Berishës do të jenë Luçiano Boçi dhe Oerd Bylykbashi. Në garë ishte edhe Belin Këlliçi, i cili është 'dëbuar' nga Rithemelimi, pasi nuk ka marrë asnjë post drejtues në parti.

Këshilli Kombëtar i PD votoi edhe për Sekretariatet, për të cilët Sali Berisha ka vendosur të jenë 10.

Sekretariatin Organizativ do ta drejtojë Ervin Minarolli, i cili e mbajti këtë post edhe përgjatë muajve të fundit, kur PD u drejtua nga Lulzim Basha. 

Sekretariatin për Transparencën, luftën kundër Korrupsionit dhe Rikthimin e Pronave do ta drejtojë Lediana Mandia, post të cilin po ashtu ia kishte besuar edhe Lulzim Basha.

Edhe sekretariati për çështjet zgjedhore do të drejtohet nga emri Lulzim Basha i pati besuar betejat zgjedhore, Ivi Kaso.

Sekretare për Organizatat Partnere do të jetë Megi Balliu

Sekretare për të Drejtat e Njeriut Bislim Ahmeti

Sekretar për Integrimin Evropian Edmond Spaho

Sekretariatin për Marrëdhëniet me Publikun Jola Hysaj

Sekretariatin për ish të përndjekurit Lorenc Luka

Sekretar për Emigracionin, Diasporën dhe Organizimin e PD jashtë vendit do të jetë Indrit Hoxha, ndërsa Sekretar për  pushtetin vendor Ylli Asllani

Gjykatën e Partisë, e cila thuajse nuk ka funksionuar kurrë do ta drejtojë Adriana Kalaja.

Me këtë proces PD e Berishës përfundon zgjedhjen e të gjitha strukturave, duke dubluar të gjitha organet drejtuese të asaj që konsiderohej PD zyrtare.

Ndërkohë, vetëm një ditë pasi u përcoll për në banesën e fundit, Këshilli vendosi të shpallte kryetar nderi, ish presidentin e ndjerë Bujar Nishani i cili e drejtoi deri në vitin 2021 këshillin Kombëtar të PD.

xy/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gradishta: 04/06/2022 13:31

    Ky i integrimit që mezi pjerdh është më i miri bravo,por dhe luçjanaaa nga Elbasani nuk është keq,luçjanat në Elbasan i ka vlersuar dhe i madhi Theofan Stilian Noli.

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01