Ndarja nga jeta e aktorit Fatmir Xhelili, drejtori i teatrit 'Bylis': Humbje e madhe për artin shqiptar!

Për ndarjen nga jeta të aktorit të humorit Fatmir Xhelili ka folur drejtori i teatrit "Bylis" në Fier Klajdi Marku.

Ai shprehet se arti shqiptar ka humbur një aktor të madh që ka lënë pas vepra të mrekullueshme.

"Ishte një lajm shumë i dhimbshëm. Na iku shoku, vëllai. Me Fatmirin ishim lidhur për punën, ishte krahu im i djathtë prej 15 vitesh. Fatmirin e kisha shtyllën ku mbështetësha. Është një humbje shumë e madhe për teatrin. Ishte një humbje e madhe për artin shqiptar. Fatmiri ka lënë vepra të mrekullueshme" - tha drejtori i teatrit.

LEXO EDHE:
Shuhet një tjetër personalitet i artit/ COVID-19 i merr jetën piktores së njohur Lumturi Blloshmi, 'Frida Kahlo' shqiptare

Ndërkohë ngushëllime për familjen kanë shprehur dhe miqtë e tij.

"Arti na njohu me Fatmirin. Këtu u rritëm me të. U rritëm e u martuam e u bëmë me fëmijë, përmes artit u njohëm me Fatmirin. Ai ishte një shok i mirë, e kisha mik të familjes dhe më vjen për këtë ndarje të parakohshme. Të gjithë do të ikim nga kjo botë një ditë. Duhet të përgatitemi. Ai shkoi për të bërë një bypass dhe atje u infektua" - tha një prej miqve të aktorit.

Lajmi kryesor:

Ndërron jetë nga koronavirusi, aktori i humorit Fatmir Xhelili

E.M./r.k./Shqiptarja.com

TAG:
• Fatmir Xhelili