Silvio Berlusconi, që u nda nga jeta sot në moshën 86-vjeçare, ishte Kryeministri italian që i kushtoi vëmendje të veçantë Shqipërisë dhe shqiptarëve.
Berlusconi vizitoi Shqipërinë kur ishte Kryeministër i Italisë në dy raste, në tetor të vitit 2002 dhe në dhjetor të vitit 2008, ndërkohë që ky moment kur ai përlotët për jetët e shqiptarëve të humbura tragjikisht në Otranto marsin e vitit 1997 do të mbetet gjatë në memorie.
“Unë besoj se Italia nuk mund të pranojë t’i japë botës imazhin e dikujt që hedh në det dikë që po arratiset nga një vend fqinj, duke kërkuar shpëtim në një vend që ai e konsideron mik. Detyra jonë është t’i pranojmë ata që gjenden në këto kushte. Duhet ta lajmë këtë njollë që ka ardhur nga një vendim që nuk duhej marrë”, tha Berlusconi.
Një mik të madh të Shqipërisë e ka konsideruar Kryeministri Rama, teksa ka reaguar vetëm pak minuta pas dhënies së lajmit nga mediat italiane mëngjesin e kësaj të hënë.
“Lamtumirë President dhe mik i mirë për Shqipërinë”, shkruan Rama në postim të cilin e shoqëron me një foto të Berluscionit.
Ndërkohë që Presidenti Begaj e cilëson një lajm të trishtë ikjen e politikanit italian, në një postim në shqip dhe italisht.
“Lajm i trishtë! Miku i shqiptarëve, Silvio Berlusconi, ndahet nga jeta. U prehtë në paqe”, shkroi Begaj.
Sali Berisha zgjodhi ta nisë me një minutë heshtje konferencën e tij për mediat duke nderuar ish Kryeministrin italian të cilin e preti në Shqipëri dhjetorin e vitit 2008.
“Kombi mik italian është sot në zi dhe sëbashku me të, miqtë e Silvio Berluskonit në mbarë botën. Silvio Berluskoni ishte një mik i madh dhe i çmuar i Shqipërisë, i Kosovës, i kombit shqiptar, i PD-së dhe i imi personalisht”, tha Berisha.
Edhe Ilir Meta dhe Lulzim Basha kanë ka vlerësuar kontributin e Berlusconit për forcimin e gjithanshëm të marrëdhënieve të shkëlqyera midis Shqipërisë dhe Italisë.
Jo vetëm në Itali për në të gjithë botën politike ka sjellë reagime ndarja nga jeta e ‘Kavalierit’.
Lajmi për vdekjen e Berlusconit bëri xhiron e botës, duke hapur faqet e të gjitha mediave kryesore ndërkombëtare.
Sali Berisha ka reaguar për ndarjen nga jeta të Silvio Berlusconit, të cilin e cilëson si miku i çmuar i Shqipërisë, Kosovës dhe i tij personalisht. Në një deklaratë për mediat ku e nderoi me 1 minutë heshtje thotë se është humbje e madhe për forcat politike të qendrës së djathtë në Europë dhe në botë.
“Dielli perëndoi përgjithmonë për Silvio Berlusconin. Silvio Berlusconi, italiani i madh dhe i pavdekshëm, themeluesi dhe udhëheqësi i Forza Italia, ish-kryeministri i shquar i Italisë, shtetari që lartësoi më shumë se kushdo tjetër, rolin e Italisë në Europë dhe botë, simboli i suksesit të inicativës së lirë, miku i madh i kombit shqiptar, mbylli sytë përgjithmonë.
Kombi mik italian është sot në zi dhe së bashku me të, miqtë e Silvio Berlusconit në mbarë botën. Silvio Berlusconi ishte një mik i madh dhe i çmuar i Shqipërisë, i Kosovës, i kombit shqiptar, i PD-së dhe i imi personalisht.
Ndarja e tij nga jeta është një humbje e madhe për kombin mik italian, është një humbje e madhe për forcat politike të qendrës së djathtë në Europë dhe në botë. Është një humbje e madhe për Shqipërinë, Kosovën, të cilat ai i mbështeti dhe në momente kritike me vendosmërinë më të madhe.
Rikujtoj shqiptarëve se 24 vite më parë, kur Kosova digjej në flakët me operacionit ‘Patkoi’, Luani i Apenineve udhëhiqte opozitën italiane. Por kjo nuk e pengoi të mbështesë qeverinë italiane të majtë të asaj kohe, në vendimin për të autorizuar përdorimin e bazave të NATO-s për bombardimin e regjimit të Millosheviçit.
Në takime të shumta, që unë kam pasur me të në Itali, Shqipëri, Europë, kam ndjerë nga afër ndjenjat e tij më miqësore për shqiptarët, respektin e tij për kombin tonë. Me këtë rast, unë duke shprehur mirënjohjen time të pakufishme për miqësinë e tij ndaj meje, ndaj Shqipërisë dhe kombit shqiptar, ndaj PD-së, shpreh ngushëllimet më të ndjera familjes Berlusconi, miqve, të afërmve të Kavalierit të pavdekshëm.
Do ta nderoj këtu me një minutë heshtje, kujtim e pavdekshëm të mikut të madh, Silvio Berlusconi”, shkruan Berisha.
Lulzim Basha ka reaguar për ndarjen nga jeta të Silvio Berlusconit duke thënë se ka mbështetur Shqipërinë dhe nuk ka munguar asnjëherë rrugëtimin euroatlantik.
“Thellësisht i pikëllua për vdekjen e Silvio Berlusconit, një politikani novator dhe një sipërmarrës gjenial, i cili modernizoi të djathtën italiane dhe e udhëhoqi me largpamësi në një periudhë transformimi të madh. Falë edhe kontributit të tij, Shqipëria dhe Italia kanë forcuar lidhjet e tyre historike duke hedhur themelet e marrëdhënieve strategjike mes dy vendeve, veçanërisht në momentet tona më të vështira, kur mbështetja e tij dhe e qeverive të tij nuk ka munguar asnjëherë në rrugëtimin tonë në euroatlantik. Ngushëllimet e mia më të thella familjes së tij, Forza Italia dhe popullit italian për humbjen e një prej shtetarëve më të rëndësishëm të kohës sonë. U prehtë ne paqe!” – shkroi Basha.
Presidenti Bajram Begaj ka reaguar për ndarjen nga jeta të Silvio Berlusconit.
“Lajm i trishtë! Miku i shqiptarëve, Silvio Berlusconi, ndahet nga jeta. U prehtë në paqe!” – shkroi Begaj.
Kryeministri Edi Rama ka ndarë një mesazh lamtumire për ndarjen nga jeta e ish kryeministri italian Silvio Berlusconi. Ai shkruan se Berlusconi ishte një mik i shqiptarëve.
“Goodbye president and good friend of Albania. (Mirupafshim president dhe mik i mirë i Shqiptarëve)”- shkruan Rama.
Komente
Lajme të tjera
-
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
'Video e Shkëlzenit te zyra e Priftit!' Gazetari Doçi zbulon në 'Studio Live': Si e shantazhoi Meta, Berishën, kur ia kopsiti dosjen në 2009! Noka në hetim pasuror! Nga i pastrehë, me pasuri 1 mln euro
4 Nëntor, 19:22 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
SHËNIM/ Modeli i Lindës dhe modeli i Lirisë si grua kryeministri
4 Nëntor, 16:15 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
Dritan Hila: Pse Rama gjuan në portën pa portier
4 Nëntor, 11:09
Nje politika mute e imoral ka ken.
PërgjigjuPutini humi nje mik, e jo (shqiptaret)
Përgjigju