Ndarja nga jeta e ish-sekretarit Amerikan i Mbrojtjes, Basha: Do përkujtohet për kontributin e anëtarësimit të Shqipërisë në NATO

Kryetari i Partisë Demokratike, Lulzim Basha ka reaguar pas ndarjes nga jeta të ish-sekretarit Amerikan të Mbrojtjes Donald Rumsfeld.

Basha thotë se sekretari Rumsfeld do të përkujtohet dhe nderohet përherë si një mik i madh i Shqipërisë dhe i shqiptarëve, kontributi i të cilit ka qenë i paçmueshëm për anëtarësimin e vendit tonë në NATO.

'Me trishtim mësova ndarjen nga jeta të ish-Sekretarit Amerikan të Mbrojtjes, Donald Rumsfeld, përfaqësues i një plejade të artë vendimmarrësish që e bënë botën më të sigurtë, më të lirë dhe demokratike. Sekretari Rumsfeld do të përkujtohet dhe nderohet përherë si një mik i madh i Shqipërisë dhe i shqiptarëve, kontributi i të cilit ka qenë i paçmueshëm për anëtarësimin e vendit tonë në NATO. Mirënjohje dhe nderim të thellë për këtë kampion të lirisë dhe ngushëllimet më të ndjera familjes, miqve e bashkëpunëtorëve të tij dhe popullit amerikan! U prehtë në paqe!'- shkruan Basha.

LEXO EDHE:
Pheniani: Aleanca mes SHBA, Koresë së Jugut dhe Japonisë 'variant aziatik i NATO-s'

Donald Rumsfeld, i cili shërbeu dy herë si sekretar i mbrojtjes si dhe konkurroi si kandidat për president i Shteteve të Bashkuara, u nda nga jeta në moshën 88-vjeçare.

M.Q./KT/Shqiptarja.com

TAG:
• SHBA
• lulzim basha
• PD
• Donald Rumsfeld