Ndarja nga jeta e Kadaresë, vajza e Dritëro Agollit: Lamtumirë xhaxhi Ismail! Do të mbetesh më i gjallë ndër të gjallët

Ndarja nga jeta e Kadaresë, vajza e Dritëro Agollit: Lamtumirë xhaxhi Ismail! Do të mbetesh më i gjallë ndër të gjallët

1720032949_KADARE.JPG

Vajza e shkrimtarit Dritëro Agollli, Elona Agolli ka shprehur ngushëllime për ndarjen nga jeta të Ismail Kadares.

Me një postim në rrjetet sociale, Elona Agolli shkruan se edhe pse ai u largua nga kjo jetë do të mbetet më i gjallë ndër të gjallët.

“Ndoshta do të kishin dashur të prisnin ndryshe të fundmen ditë …njëlloj ashtu siç i madhi Niko Kazanxaqis admironte vdekjen në këmbë, të njëjtë me ushtarët e Pompeut . Apo si ai që përfshihej nga llava e vdiste në këmbë si statujë.  Edhe atë ditë që babi nuk më lëshonte duart nga flokët duke i tërhequr si litarë, atë ditë në spitalin me muret gri dhe frymën e kobshme të vdekjes, ai këtë gjë donte të më thonte. Jam e bindur që edhe ai, miku i hershëm dhe i gjithjetshëm i babait tim, ashtu do ta dëshironte.  E sido që të jetë, Ismail Kadare që sot do të prehet në banesën e fundme, me kurmin në tokë, por shpirtin afër qiellit, ashtu siç përherë të mëdhenjtë shkrimtarë e kanë, në jetën tokësore por edhe në atë në amshim, brez pas brezi e shekull pas shekulli, do të mbetet më i gjallë ndër të gjallët, më i ndriçuar ndër të ndriçuarit.  Lamtumirë i adhuruari shkrimtar! Lamtumirë, për mua, xhaxhi Ismail",shkruan ajo. 


Lajmi kryesor:

Lamtumirë Ismail Kadare! Homazhe publike në TKOB e ceremoni familjare varrimi! Edhe nga Kosova e Maqedonia e Veriut nderuan kolosin e letërsisë shqipe


S.B/Shqiptarja.com
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Spahiu: Masakra betonimit në bregdet buron nga ligji turpshëm i pronave 7501

Spahiu: Masakra betonimit në bregdet buron nga ligji turpshëm i pronave 7501