POP 5

Lajmet më të lexuara të 5 minutave të fundit

Kronikë

E rëndë në Peqin/ Pasagjerja hap derën e furgonit dhe vetëhidhet nga makina në lëvizje, gjen vdekjen! Zbardhen dëshmitë, shoferi në polici (EMRI+PAMJE)

Merushe Gjuzi udhëtonte së bashku me një shoqen e saj drejt Funarit në Elbasan kur në një moment dyshohet se ka hapur derën e furgonit dhe është vetëhedhur duke gjetur vdekjen e menjëherëshme.

Një 55-vjeçare ka gjetur vdekjen paraditen e 20 tetorit në aksin rrugor Peqin-Elbasan pranë fshatit Papër në rrethana ende të paqarta.

Merushe Gjuzi udhëtonte së bashku me një shoqen e saj drejt Funarit në Elbasan kur në një moment dyshohet se ka hapur derën e furgonit dhe është hedhur duke gjetur vdekjen e menjëherëshme.

Aksidenti u shënua rreth orës 09:00. 

"Ndërkohë që udhëtonte në automjetin furgon që drejtohej nga shtetasi S. T., 30 vjeç, dyshohet se Merushe Gjuzi ka hapur derën e pasme të furgonit dhe është vetëhedhur. Si pasojë e dëmtimeve ka humbur jetën' informoi sot policia. 

Dëshmia e pasagjerëve
Shoqja e viktimës Merushe Gjuzi me të cilën udhëtonte këtë mëngjes tha se 55-vjeçarja kishte debatuar me bashkëshortin dhe pas sherrit mund ta ketë ndërmarrë aktin e rëndë.

Burime, duke iu referuar dëshmisë së pasagjerëve të tjerë, Merushe Gjuzi ishte ulur në vendin e pasëm dhe krejt papritur hapi derën e furgonit dhe u hodh.

Ndonëse të gjithë pasagjerët zbritën për t’i dhënë ndihmën e shpejtë, përplasja ka qenë fatale.

Mësohet se e ndjera dhe fqinja e saj e kishin prenotuar që dje furgonin për të shkuar në Funar të Elbasanit dhe kishin këmbëngulur gjatë që ai të ishte këtë të premte në dispozicion të tyre. Paraprakisht dyshohet se shkak i vetëflijimit mund të ketë qenë gjendja e rënduar psikologjike e saj për shkak të konflikteve të vazhdueshme me bashkëshortin e saj. 

Shoferi i furgonit me të cilin udhëtonte viktima është shoqëruar në komisariat.

Rendit zhvillimet sipas orarit:
Ora 09:58
Vdekja e 55-vjeçares në aksin Peqin-Elbasan, shoferi i furgonit shoqërohet në komisariat

1697788916_furgon.jpg

Shoferi i furgonit me të cilin udhëtonte 55-vjeçarja e cila dyshohet se ka hapur derën dhe është vetëhedhur është shoqëruar në komisariat. Sipas policisë, S. T. është shoqëruar për sqarimin e rrethanave të ngjarjes së rëndë.

"Rreth orës 09:00, në aksin rrugor Peqin-Elbasan, në fshatin Papër, shtetasja M. Gj., rreth 50 vjeçe, ndërkohë që udhëtonte në automjetin furgon që drejtohej nga shtetasi S. T., 30 vjeç, dyshohet se ka hapur derën e pasme të furgonit dhe është vetëhedhur. Si pasojë e dëmtimeve, shtetasja M. Gj. ka humbur jetën. Drejtuesi i furgonit, shtetasi S. T., po shoqërohet në Komisariat, për sqarimin e rrethanave të ngjarjes.Shërbimet e Policisë dhe grupi hetimor ndodhen në vendngjarje dhe po punojnë për sqarimin e plotë të rrethanave të kësaj ngjarjeje", sipas policisë.

SI.E./Shqiptarja.com

Ora 09:50
Vdekja e 55-vjeçares në Peqin, shoqja: Kishte debatuar me bashkëshortin, gjithmonë uleshim bashkë, sot u ul vetëm

 

Shoqja e viktimës Merushe Gjuzi me të cilën udhëtonte këtë mëngjes tha se 55-vjeçarja kishte debatuar me bashkëshortin.

Ishte sherri me bashkëshortin që e detyroi të kryente këtë veprim të rëndë, sipas dëshmitares.

“Gjithmonë rrinim të ulura në vendin e parë të furgonit, por këtë mëngjes deshi të ulej pas dhe u ul vetëm”, ka thënë shoqja e viktimës.

SI.E./Shqiptarja.com

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lenci: 20/10/2023 11:32

    NESE KJO ESH E VERTET , SHOFERI SKA PIKEN E FAJIT....

    Përgjigju
    • Njoni: 20/10/2023 16:25

      Po ca faj ka shoferi kur dikush dote boj vet vrasje. Mund to ndodhi cdo shoferi .gjynah ajo qe vrau veten

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kjo Krishtlindje është ftesë për të përjetuar magjinë... Çfarë thonë yjet për ju sot

Kjo Krishtlindje është ftesë për të përjetuar magjinë... Çfarë thonë yjet për ju sot

25 Dhjetor, 07:26