POP 5

Lajmet më të lexuara të 5 minutave të fundit

Bota

Ndërron jetë në moshën 87 vjeçare ikona e të drejtave të grave Ruth Bader Ginsburg

Shëndeti i saj ishte përkeqësuar gjatë viteve të fundit, duke sjellë shtrimin e vazhdueshëm në spitale

Ndërron jetë në moshën 87 vjeçare ikona e të drejtave të grave Ruth Bader Ginsburg

Juristja e Gjykatës së Lartë në Amerikë, Rurth Bader Ginsburg, një ikonë e kulturës dhe kampione e të drejtave të grave, ka ndërruar jetë në moshën 87 vjeçare, pasi humbi betejën me kancerin ditën e premte.

Shëndeti i saj ishte përkeqësuar gjatë viteve të fundit, duke sjellë shtrimin e vazhdueshëm të saj në spitale. Vdekja e Ginsburg, gjashtë javë para zgjedhjeve presidenciale, pritet të nxisë shumë debate për zëvendësimin e postit të saj.

Vdekja e saj i jep Presidentit Donald Trump mundësinë të zgjerojë shumicën konservatore në Gjykatën e Lartë duke emëruar një gjyjatës të tretë gjatë mandatit të tij.

“Kombi ynë ka humbur një juriste të stadeve historike. Ne në gjykatën e lartë kemi humbur një kolege shumë të dashur. Sot ne mbajmë zi, por me besim të plotë që brezat e ardhshëm do ta kujtojnë Ruth Bader Ginsburg ashtu siç ne e njihnim – një kampione e palodhur e drejtësisë”, është shprehur kreu i gjykatë së lartë, John G Roberts.

Ginsburg, gruaja e dytë në histori e emëruar në gjykatën e lartë, është bërë ikonë e të drejtave të grave. Ajo u nominua për postin që mbante nga Presidenti Bill Clinton dhe shërbeu në gjykatë për më shumë se 27 vjet.

Para se të emërohej si gjykatëse, Ginsburg ndihmoi në fillimin e Projektit për të Drejtat e Grave të Unionit Amerikan të Lirive Civili (ACLU) në 1971 dhe shërbeu si Këshilltare e Përgjithshme e ACLU nga viti 1973 deri në vitin 1980.

Ajo vazhdimisht shqyrtonte çështje që kishin të bënin me barazinë gjinore, duke mbrojtur të drejtat e një vejani për përfitimet e sigurimeve shoqërore të gruas së tij të ndjerë, si dhe shumë padi të tjera në përpjekje për të ndryshuar barazinë gjinore në nivelet më të larta.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sarandë/ Vrau burrin me sopatë, dërgohet në spital psikiatrik 48-vjeçarja

Sarandë/ Vrau burrin me sopatë, dërgohet në spital psikiatrik 48-vjeçarja

26 Dhjetor, 14:15 nga Limos Didani