Ndërron jetë si pasojë e koronavirusit, ish-deputeti i PD-së Bedri Çollaku

Ndërron jetë në moshën 70-vjeçare, ish-deputeti i PD-së Bedri Çollaku si pasojë e koronavirusit.

Lajmin e ka bërë të ditur guvernatori i Bankës së Shqipërisë Genti Sejko. Çollaku ndodhej prej disa ditësh i shtruar në një spital në Turqi ku po merrte kurim por fatkeqësisht nuk arriti t'i mbijetojë dot koronavirusit.

 Në vitin 1996 u zgjodh deputet i Kuvendit të Shqipërisë si përfaqësues i Partisë Demokratike në Qarkun Tiranës.

Gjithashtu Çollaku ka pasur një karrierë të gjatë fushën e ekonomisë ku ka kontribuar në hedhjen e themeleve të mbikëqyrjes bankare shqiptare, sektor të cilin e drejtoi gjatë viteve të para të krijimit të tij, në fillim të viteve ‘90.

"Çollaku ishte drejtues i një ndër bankave tregtare të vendit. I nderuar me çmime të shumta për punën e tij si ekspert i sistemit bankar, interesat dhe përvoja e spikatur e Çollaku u pasqyruan edhe në rolin menaxherial që kreu me energji e ndershmëri deri në fund të jetës" - shkruan Sejko në Facebook.

Lajmi kryesor:

Ulet numri i rasteve të reja, por më shumë viktima! Sot 461 të infektuar dhe 14 humbje jete! S'fitojnë betejën me COVID ish-deputeti i PD-së, mësuesit e regjisorit

E.M./B.K./Shqiptarja.com

TAG:
• PD
• koronavirusi ne shqiperi
• Viktimat Covid
• bedri collaku