POP 5

Lajmet më të lexuara të 5 minutave të fundit

Kronikë

Ndërtuan pa leje në Tepelenë, Tropojë dhe në Durrës, 9 qytetarë nën hetim penal

8 qytetarë janë proceduar penalisht në Tepelenë dhe në Tropojë për veprën penale 'Ndërtim i paligjshëm'

Ndërtuan pa leje në Tepelenë, Tropojë dhe në Durrës, 9 qytetarë nën hetim penal

Foto ilustruese

8 qytetarë janë proceduar penalisht në Tepelenë dhe në Tropojë për veprën penale 'Ndërtim i paligjshëm'.

Gjatë kontrollit të territorit në fshatrat Gusmar dhe Majkosh, policia e Tepelenës ka konstatuar ndërtimin e dy objekteve pa leje.

'Policia ka proceduar penalisht për veprën penale “Ndërtim i paligjshëm", shtetasit:  F. B., 58 vjeçe, banuese në fshatin Gusmar dhe I. B., 50 vjeç, banues në Tepelenë, pronarë të objekteve ku po kryheshin punimet;  E. B., 30 vjeç, banues në Përmet dhe P. J., 33 vjeç,  banues në Memaliaj (punëtorë).'- njofton policia.

Ndërkohë që edhe në Tropojë janë proceduar në gjendje të lirë, 4 shtetas për veprat penale "Ndërtimi i paligjshëm" dhe " Projektimi, mbikëqyrja, zbatimi ose kolaudimi i paligjshëm i ndërtimeve".

'Janë proceduar penalisht U. H., banues në fshatin Gri dhe R.B., banues në fshatin Markaj, për veprën penale "Ndërtimi i paligjshëm", pasi në fshati Gri dhe Markaj, këta dy shtetas janë konstatuar duke vijuar ndërtimin e një banesë, pa leje të organeve përkatëse.

Si dhe u proceduan në gjendje të lirë shtetasit: P. K., banues në Tiranë, dhe F. Rr, banues në fshatin Begaj, për veprën penale "Projektimi, mbikëqyrja, zbatimi ose kolaudimi i paligjshëm i ndërtimeve", pasi ishin përgjegjës për kryerjen e punimeve në fshatin Gri dhe Markaj.'- njofton policia.

Edhe në Durrës është vënë nën hetim një 51 vjeçar pasi në Bisht Kamzë, Durrës, kishte ndërtuar një ndërtesë prej druri pa lejen e organeve kompetente dhe kishte vendosur disa shezlongë dhe çadra në bregdet

"Specialistët për Hetimin e Krimeve në Komisariatin e Policisë Durrës proceduan penalisht shtetasin L. B., 51 vjeç, banues në Durrës, për veprën penale "Ndërtim i paligjshëm", pasi në Bisht Kamzë, Durrës, kishte ndërtuar një ndërtesë prej druri pa lejen e organeve kompetente dhe kishte vendosur disa shezlongë dhe çadra në bregdet", thotë policia.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Opozita jugkoreane me mocion për shkarkimin e ushtruesit të detyrës së presidentit

Opozita jugkoreane me mocion për shkarkimin e ushtruesit të detyrës së presidentit

26 Dhjetor, 09:13