Chelsea po përgatitet për një nga periudhat më të vështira të sezonit, teksa sot do të përballet me Barcelonën në Champions League dhe më pas me Arsenalin në Premier League. Trajneri Enzo Maresca kërkon qetësi dhe fokus te çdo sfidë, pa u ndikuar nga ngarkesa e kalendarit.

Maresca pranon se është një periudhë e mbushur me sfida të mëdha, por thekson se ekipi nuk duhet të humbasë përqendrimin.

“Është një javë e madhe, por më pas kemi Leeds në transfertë, Bournemouthin në transfertë, Atalantën në transfertë… pra vjen një tjetër javë e madhe. Të gjitha ndeshjet janë të rëndësishme dhe secila vlen tre pikë. Sigurisht, Barcelona dhe Arsenali janë të veçanta për arsye të ndryshme, por mendoj se gjëja më e mirë për ne është t’i marrim sfidat me radhë”, u shpreh trajneri italian.

Chelsea renditet aktualisht në vendin e 12-të në grupin e Champions League me 7 pikë pas katër ndeshjeve, po aq sa Barcelona, e cila është një pozicion më lart. Në kampionat, skuadra e Marescës mban vendin e dytë, gjashtë pikë pas Arsenalit kryesues.


Lajmi kryesor:

Champions League rikthehet sot me nëntë takime, Juventusi në ngricën nordike! Chelsea - Barça si finale, City kundër Leverkusen