Ndëshkimi i dytë, garda e vjetër
ikën nga forumet e larta të PD 

Përjashtimi i paralajmëruar nga lista e kandidatëve për deputetë është vetëm fillimi i ‘krasitjes politike’ të partisë më të madhe në opozitë. Ndëshkimi i elitës së vjetër të Partisë Demokratike nga kryetari Lulzim Basha, me anë të listës së kandidatëve, është i dyfishtë dhe me pasoja të pashmangshme për fatin e saj politik.

Pas përjashtimit nga parlamenti i ardhshëm, produkt i zgjedhjeve të 25 qershorit, kundërshtarët e Lulzim Bashës në Partinë Demokratike, do të marrin shumë shpejt një tjetër goditje, ndoshta po aq të rëndë sa ajo e natës së 26 majit. Konkretisht, me humbjen e statusit të deputetit, përfaqësuesit e gardës së vjetër të Partisë Demokratike do të humbasin automatikisht edhe statusin e anëtarit të forumeve më të larta drejtuese të kësaj partie.

Me mbarimin e mandatit të këtij parlamenti, Jozefina Topalli, Arben Imami, Astrit Patozi, Eduard Selami, Majlinda Bregu, Genc Ruli, Ridvan Bode, Myqerem Tafaj, Kastriot Islami, Keltis Kruja, Asllan Dogjani, Bedri Hoxha, Roland Keta, Igli Cara ETJ., nuk do të jenë më anëtarë të Kuvendit Kombëtar të PD, organit më të lartë të kësaj partie, përgjegjës edhe për shkarkimin e kryetarit. Po ashtu, të lartpërmendurit, me humbjen e statusit të deputetit në shtator, përjashtohen automatikisht edhe nga Këshilli Kombëtar i Partisë Demokratike, një nga organet më të rëndësishme të PD. Sipas neneve 34 dhe 36 të Statusit të PD, deputetët e PD janë pjesë e dy forumeve në fjalë.

Në këto kushte, përjashtimi nga lista e kandidatëve për deputetë passjell edhe përjashtimin nga këto forume. Me konstituimin e parlamentit të ri, rivalët e Lulzim Bashës do të kenë statusin e një anëtari të thjeshtë të PD, pa asnjë ndikim me votë në Këshillin dhe Kuvendin Kombëtar. Nga ana tjetër, Lulzim Basha, përpos kontrollit të grupit të ardhshëm parlamentar të PD, do të rrisë ndikimin e tij edhe në Këshillin dhe Kuvendin Kombëtar, organe këto që nuk mblidhen prej vitesh.

Sfida e Bashës   
Disa nga të përjashtuarit nga lista e kandidatëve për deputetë, sidomos Jozefina Topalli dhe Arben Imami, kanë kërkuar mbledhjen e forumeve për shkarkimin e Lulzim Bashës.

Për të mundësuar një mocion mosbesimi ndaj kryetarit në Kuvendin Kombëtar duhen firmat e 136 anëtarëve të Këshillit Kombëtar. Në kushtet kur Sali Berisha mbështet listën ‘Basha’, mundësitë për shkarkimin e kreut të PD pothuajse janë zero. Megjithatë, në rast humbjeje në zgjedhjet e 25 qershorit, opsioni i shkarkimit të Lulzim Bashës mund të rikthehet si mundësi në kampin e PD.

Një humbje e mundshme në 25 qershor, jo vetëm do të hidhte poshtë listën e Republikës së Re, por do të legjitimonte edhe akuzat e Topallit, Imamit, Bregut dhe Patozit. Ndërkaq, më pak se një muaj pas datës së zgjedhjeve, mbaron edhe mandati Lulzim Bashës në krye të PD, pikërisht në 22 korrik.
 
Të përjashtuarit nga Lulzim Basha në 2017
Jozefina Topalli
Majlinda Bregu
Eduard Selami
Ridvan Bode
Astrit Patozi
Arben Imami
Keltis Kruja
Enno Bozdo
Asllan Dogjani
Kastriot Islami
Myqerem Tafaj
Bedri Hoxha
Roland Keta
Igli Cara
Kozma Dashi
Bedri Mihaj
Arbiola Halimi
Genc Ruli (nuk kandidoi vetë)
Eleina Qirici
Gjergji Papa
Mimoza Hajdarmataj
Albina Deda
Gjovalin Bzhetaj
Irma Kopliku
Liljana Elmazi 

Të përjashtuarit nga Sali Berisha në 2013
1. Ilir Rusmali
2. Ferdinad Xhaferraj
3. Fatos Hoxha
4. Enkelejd Alibeaj
5. Leonard Demi
6. Mark Marku
7. Jemin Gjana
8. Viktor Gumi
9. Osman Metalla
10. Tritan Shehu
11. Selami Xhepa
12. Adriana Gjonaj
13. Arenca Trashani
14. Astrit Bushati
15. Vath Tabaku
16. Fatbardh Kadilli
17. Fatos Beja
18. Gjok Uldedaj
19. Ramiz Çobaj
20. Ndriçim Babasi
21. Ilir Bano
22. Kreshnik Çipi
23. Lajla Përnaska
24. Ledina Aliolli
25. Luan Skuqi
26. Paulina Hoti
27. Rajmonda Bulku
28. Rrahim Çota
29. Sybi Hida
30. Vasillaq Ngresi
31. Ylli Lama
32. Koço Barka
33. Aurel Bylykbashi
34. Mehmet Xheka
35. Ismail Hoxha
36. Rajmond Hoxha 


dy.b/Shqiptarja.com

TAG:
• OSBE