Dueli mes Paraguait dhe Francës është ndezur shumë para se kombëtaret të zbresin në fushë për 1/8-t e Botërorit. ‘Lojën’ e nisi ish-futbollisti i Francës Kristof Dugarri, ndërsa replika e Luis Shilavert, ish-portierit të Paraguait po prodhon shumë reagime.

Kristof Dugarri, ish-sulmuesi i Francës, parashikoi një sukses të lehtë të ekipit të Deshamp në këtë turne. “Paraguai do të hajë dru. Do të kërkojë të mbrojë pasi janë të paaftë, të paaftë, dhe e përsëris dy herë që të jetë e qartë, që të dhurojnë çfarëdolloj loje ofensive. Është katastrofë në aspektin ofensiv”, tha ai për kundërshtarin e Francës.

ish-portieri i njohur paraguaian, Hoze Luis Shilavert, i cili mori të kuq në atë ndeshje të vitit 1998 që u mbyll 1-0 me gol në shtesë, nuk ngurroi të tallej me këtë lloj deklarate.

“Kristof, ke të drejtë. Në Kupën e Botës 1998 në u përballëm me francezët dhe tani Paraguai përballet me një ekip afrikan”,- shkroi ai në rrjetet sociale, duke thumbuar me faktin se thuajse të gjithë lojtarët e Francës kanë origjinë nga Afrika.

Këto deklarata kanë bërë që të ndizen polemikat dhe në Francë ta akuzojnë Shilavert si racist për fjalët e tij, duke bërë më të tensionuar pragndeshjen me ekipit europian dhe skuadrës që bëri surprizën e madhe duke eliminuar Gjermaninë.


Lajmi kryesor:

Botërori 2026/ Sonte kundër Francës favorite, Enciso i Paraguait: Të gjithë presin humbjen tonë, por kemi pika të forta