Ndizen sërish debatet e vjetra, Olta Gixhari shpërthen në akuza të forta ndaj Kiara Titos në post BBV: O e kulluar, je materialiste

Post “Big Brother VIP” përballi edhe njëherë banorët e programit më të ndjekur në Shqipëri, ku nuk munguan debatet dhe të pathënat midis tyre.

Pas përfundimit të rrugëtimit të gjatë të Big Brother Vip, finalistët, banorët dhe të eliminuarit që ishin pjesë e këtij edicioni  u takuan edhe njëherë mbrëmë në studion e përcjellë nga publiku për 133 ditë, për të diskutuar çdo gjë që kanë mësuar pas daljes së tyre nga shtëpia.

Në një debat të fortë u përfshinë Luiz Ejlli, KIiara Tito dhe Olta Gixhari, të cilët nuk kursyen akuzat ndaj njëri-tjetrit, tre protagonistët e këtij edicioni rikthyen edhe një herë situatat e bujshme të ndodhura brenda shtëpisë, mirëpo tashmë si banorë që kanë parë çdo gjë nga jashtë.

Olta Gixhari ka hedhur akuza të forta ndaj Kiara Titos, me të cilën është përballur më një debat të fortë ku është përfshirë edhe këngëtari Luiz Ejlli.

Aktorja ka thënë se Kiara po e shfrytëzon për famë Luizin, i cili është edhe fituesi e “BBV2”.

Pjesë nga debati:

Luizi: Unë po e shfrytëzoj Kiarën sepse dua të krijoj një familje.

Olta: Ajo po të shfrytëzon ty sepse  je shumë i famshëm, kaq ka treguar deri tani. Kjo e kulluara meqë tha që është kaq e mirë

Luizi: Kiara po më shfrytëzon mua dhe nuk e kam  problem fare.

Kiara: Deri më tani nuk kam nxjerrë asnjë ofendim për askënd. Ky më ka vendosur unazën në gisht dhe që prej atij momenti nuk ke gojë të flasësh. Jo të më rrish të më flasësh cepave, e të më thuash ju do ndaheni. Ti je inatçie, kjo je ti.

Olta: Burrë e grua nuk të bëjnë interes por nevoja. Ti je materialiste.