EKSKLUZIVE/ I riu i dehur i rrezikon të gjithë në Tiranë, shtyp me makinë burrë te ‘Vasil Shanto’, ikën drejt autostradës! Neutralizohet nga ‘Rrugorja’, në tunel përplasi dhe 1 makinë tjetër (VIDEO)

TIRANË- Papërgjegjshmëria e një të riu në timon mund të kishte shkaktuar një tragjedi në Tiranë, ndërsa përfundoi me 1 të plagosur dhe 1 tjetër aksident, fatmirësisht pa viktima.

I riu Denis Shima, së bashku me një tjetër po lëviznin me një automjet tip “Toyota” dhe nuk zbatuan urdhrin e policisë për të ndaluar tek zona e njohur si “Drejtoria e Policisë”.

Report Tv mëson se të dy ishin në gjendje të dehur. Që nga ai moment, policia i është vënë në ndjekje, por shoferi nuk e ndaloi makinën.

Teksa vijonte drejtimin e mjetit me shpejtësi, makina përplasi një burrë te vijat e bardha në zonën e ‘Vasil Shantos’ duke e lënë të plagosur në rrugë. Nuk dihet gjendja e saj shëndetësore.

Më pas makina po shkonte drejt autostradës, por përplasi 6 makina të tjera dhe u kap nga policia e Tiranës tek ish-Shqiponja. Të rinjtë janë vënë në prangat e forcave blu.

 

Momenti ku ndalohet makina dhe transportimi i saj me karotrec

K.T./B.K./Shqiptarja.com

TAG:
• aksident rrugor
• Denis Shima
• Tirane