“Ndjeva sikur s’ia kisha dalë në jetë”, Michelle Obama flet për herë të parë për dështimin e fëmijës

Michelle Obama pas dy ditësh do të publikojë librin e saj me titull “Becoming”. Mbrëmjen e kaluar në ABC News, gruaja e ish-Presidentit të Amerikës, Barack Obama rrëfeu disa detaje të pathëna nga jeta e saj personale, siç është dështimi i fëmijës që i ndodhi 20 vite më parë.

“Ndjeva sikur s’ia kisha dalë në jetë sepse nuk dija asgjë mbi dështimin e një fëmijë; kjo për shkakun se nuk flasim zakonisht rreth kësaj. Zhytemi në dhimbjen tonë duke menduar se jemi të shkatërruara totalisht. Është e rëndësishme të flasim me nënat e reja mbi faktin se dështimet ndodhin,”- tregoi 54-vjeçarja.

Më tej Michelle rrëfeu se bëri fertilizimin in-Vitro e shtyre nga ora biologjike.

“Isha 34-vjeçe kur kuptova se puna e orës biologjike është e vërtetë dhe se prodhimi i vezëve është i limituar. Mendoj se është gjëja më e tmerrshme që bëjmë ne gratë ndaj njëra- tjetrës, të mos treguarit të vërtetën mbi trupat tanë dhe se si ata funksionojnë,”- tha zonja Obama.

Vetë ish-presidenti tregoi se si seancat e konsultimit u kishin ardhur në ndihmë në periudhën kur ai shoqi iu bashkua legjislaturës shtetërore dhe Michelles i duhej të përballonte shtatzëninë.

 

TAG:
• barack obama
• Michelle Obama