POP 5

Lajmet më të lexuara të 5 minutave të fundit

Kronikë

Tiranë/ Mbrëmë grabiti një dyqan, sot tentoi në një tjetër, punonjësja përzë hajdutin me 'pistoletë' në dorë! Report Tv siguron videon

Hajduti që vodhi mbrëmë xhiron ditore në dyqanin e një kompanie në Tiranë sot ka tentuar të vjedhë edhe një tjetër dyqan, por plani i ka dështuar. Siç shihet në videon e Report Tv hajduti amator ka dalë huq pasi njëra nga shitëset, jo vetëm që nuk është trembur, por e ka nxjerrë jashtë

Hajduti që grabiti mbrëmë xhiron ditore në dyqanin e një kompanie në rrugën “Myslim Shyri” në Tiranë nën kërcënimin e një arme, sot ka tentuar të vjedhë sërish një tjetër dyqan, por plani i ka dështuar.

Kësaj radhe në zonën e Kombinatit, autori shfaqet me të njëjtat rroba, bluzë të kuqe, pantallona xhinse dhe kapele të zezë. Siç shihet në videon e siguruar nga gazetari i Report Tv Sokol Dema në dorë ai mban një valixhe ndërsa pasi ka hyrë në dyqan ai e ka hapur dhe ka treguar një send në dukje pistoletë, nën kërcënimin e të cilës ka kryer vjedhjen e një nate më parë.

“Ju bëftë mirë”, u thotë ai dy punonjëseve të cilat po konsumonin ushqim. I qetë afrohet pranë njërës punonjëse dhe nxjerr nga çanta pistoletën, që nuk dihet nëse është reale ose false, ndërsa thotë se i duhen paratë për transplantin e mëlçisë.

Por plani këtë herë ka dështuar. Punonjëset e kompanisë jo vetëm që nuk janë trembur, por njëra prej tyre duket se nuk e beson që arma të jetë e vërtetë.

“Mos më provoko”, i thotë autori. Duke mos shfaqur asnjë shenjë frike, punonjësja i thotë se pistoleta është fallso dhe më pas i ka hapur derën e dyqanit duke e nxjerrë përjashta. 

Autori që largohet pa marrë asnjë shumë monetare nuk është kapur ende nga policia.

Njoftimi i policisë

Më datë 11.10.2023, rreth orës 21:00, në rrugën “Konferenca e Pezës”, një shtetas ende i paidentifikuar, veshur me bluze të kuqe dhe me kapele, dyshohet se nën kërcënimin e një sendi në dukje pistoletë çakmak, ka tentuar të vjedhë në një dyqan dhe më pas është larguar. Ky shtetas dyshohet se është i njëjti autor i ngjarjes së ndodhur mbrëmjen e djeshme, në rrugën "Myslym Shyri". Grupi hetimor ndodhet në vendngjarje dhe po punon për identifikimin dhe kapjen e autorit.

Rendit zhvillimet sipas orarit:
Ora 21:58
‘Paratë më duhen për transplant mëlçie', Report Tv siguron videon, momenti kur punonjësja e dyqanit në Tiranë përzënë hajdutin: Ke pistoletë false

 

Gazetari i Report Tv Sokol Dema ka siguruar video nga tentativa për vjedhje në dyqanin e një kompanie në Tiranë. Autori ka hyrë në dyqan dhe u ka kërkuar paratë punonjëseve duke u treguar një një pistoletë, që nuk dihet nëse është reale ose false. Ai thotë se i duhen paratë për transplantin e mëlçisë. Një nga punonjëset i ka thënë se pistoleta është fallso dhe e ka përzënë nga dyqani.

B.K/Shqiptarja.com

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meri: 12/10/2023 00:18

    Pse këto punonjëse nuk njoftuan menjiherë policin që ta kapte,por i hapën derën dhe e lan të lir ???

    Përgjigju
    • posi: 12/10/2023 11:06

      madje ti kishin then ulu pi nje kafe dhe prit pak, se nuk vonohet shume policia dhe vjen.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dritan Hila: Më mirë rrugëve!

Dritan Hila: Më mirë rrugëve!

27 Nëntor, 15:18 nga Dritan Hila