POP 5

Lajmet më të lexuara të 5 minutave të fundit

Politikë

Ndoka refuzon rrështimin në
grupin parlamentar të PD-së

Kryetari i PDK, Nard Ndoka, duket se në kuadër dhe të bashkimit me PBKD të Mark Frrokut do jetë afër së majtës në qeverisje.
Ndoka refuzon rrështimin në<br />grupin parlamentar të PD-së
TIRANE-  Kryetari i PDK, Nard Ndoka, duket se në kuadër dhe të bashkimit me PBKD të Mark Frrokut do jetë afër së majtës në qeverisje. Një sinjal të qartë ai e ka dhënë teksa ka refuzuar të jetë pjesë e grupit parlamentar të PD, parti prej së cilës ka marrë dhe mandatin e deputetit duke qënë pjesë e listave të kandidatëve për deputetë në qarkun e Shkodrës.

Ndërkohë që ai ishte një prej dy deputetëve që janë regjistruar si të pavarur në Parlament. Megjithëse doli deputet nga lista e PD, kreu i demokristianëve nuk pranoi që t’i bashkëngjitet Grupit Parlamentar demokrat. “Unë jam deklaruar i pavarur në Parlament, pasi përfaqësoj PDK. Nuk mund të jem në një grup me Partinë Demokratike, pasi nuk ka kuptim.

Marrëveshja parazgjedhore ishte e tillë për të kapërcyer pengesat që krijonte Kodi Zgjedhor”, shprehet Ndoka. I cili me sa duket e ka hedhur vështrimin tek aleati i vjetër i tij në opozitë, Edi Rama tashmë në pushtet.

Për më tepër që mandati i tij i vetëm i deputetit, nëse bashkohet PBKD e Frrokut me PDK e Ndokës, i bie pikërisht mandati i 84 për mazhorancën e majtë, duke plotësuar në këtë mënyrë numrin e nevojshëm të votave në Kuvend për marrjen e vendimeve me shumicë të cilësuar.


Shkrimi u publikua sot (01.10.2013) në gazetën Shqiptarja.com (print)

Redaksia online
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Australia ndalon përdorimin e rrjeteve sociale deri në 16 vjeç! Parlamenti miraton nismën e kryeministrit me origjinë shqiptare Anthony Albanese

Australia ndalon përdorimin e rrjeteve sociale deri në 16 vjeç! Parlamenti miraton nismën e kryeministrit me origjinë shqiptare Anthony Albanese

28 Nëntor, 14:38 nga Arlind Isa