Ndotja e mjedisit, Ministrja e Turizmit: Kemi ngritur grupin e punës, po rishikojmë paketën e ndëshkimeve, nga gjobat tek përgjegjësitë penale

Ministrja e Turizmit, Mirela Kumbaro tha se nuk do të ketë tolerancë për ndotësit e mjedisit, ku theksoi se është ngritur grupi i punës dhe po rishikohet paketa e ndëshkimeve, nga gjobat deri tek ndëshkimet penale.

"Dua të ndaj dhe një ndër rezultatet e këshillimit kombëtar që për mua nuk ishte surprizë por dhe ekipin drejtues se kur kemi ecur përpara me planin e pastrimit kombëtar reagimet që na vinin nga të gjitha anët ishin reagime revolte nga qytetarët duke parë që puna e ndotjes së mjedisit, mënyrës si trajtojmë mbetjet e konsumit të përditshëm ka element të thelluar të mungesës së qasjes edukimit e kulturës në raport me territorin, reagimet kanë qenë duhet ti ndëshkojmë më shumë duhet të bëjmë shembuj me sanksionet gjoba etj. Kjo gjë e perceptuar në mënyrë empirike na u konfirmua me 77% të të pyeturve, mbi gjysmë milioni të pyetur që kërkojnë rritjen forcimit e sistemit të ndëshkimit të gjobave në raport me ndotjen e mjedisit si një krim mjedisor që nis që nga hedhja e shisheve deri tek ndotjet më të rënda. Kemi ngritur grupin e punës e po rishikojmë gjithë paketën e ndëshkimeve administrative apo dhe penale për t’ju përgjigjur kësaj kërkese por edhe asaj që kemi prioritet këtë mandat pastërtia e mjedisit të territorit", tha ajo.

Lajmi kryesor:

Vendimet e Qeverisë, fonde shtesë për ‘Rindërtimin’, rikonstruksion të banesave dhe shkollave! 270 000 fëmijë do të kontrollohen nga sytë, nis depistimi

/r.k./Shqiptarja.com

TAG:
• keshilli i ministrave
• arben ahmetaj
• ogerta manastirliu
• Mirela Kumbaro
• rindertimi