Ndreca tentoi të ikë nga mbledhja, Zhupa: Je në hall të madh, ia fute vrapit! Bashkë me Ekonomin, keni frikë të firmosni për konfliktin e interesit

 

Deputetja Ina Zhupa thotë se Plarent Ndreca ka fikë të firmosë deklaratën që s’ka konflikt interesi. Zhupa tha se ka frikë aq sa u çua të ikë nga mbledhja. Ndërkohë, veçse Ndrecës që e akuzojnë në konflikt interesi se ka qenë avokat i Arben Gjatës, opozita hodhi akuza edhe për deputeten Milva Ekonomi.

“E kuptoj që Ndreca është në hall të madh, e bëri të ikë në vrap nga komisioni, por nuk e di kush e ktheu nga celulari. Ndreca duhet ta dijë që nuk mund të hedhë asgjë në votim se është nënkryetar, e dyta nuk hidhet në votim ligji. Ju dhe ne e kemi detyrim të firmosim formularin për konflikt interesi. Ju nuk e pranuat që jeni në konflikt interesi, firmose dhe do shkojë në ILDKPI, dhe ta vërtetojë nëse je apo jo. Prandaj ke frikë. Po ashtu Milva Ekonomi ka qenë zv.ministre kur janë miratuar këtë koncesione. Zonja është thirrur në prokurori se thuhet se Ekonomi dhe Rrepaj kanë firmosur, ka qenë kryetare e komisionit të vlerësimit të ofertave. Unë nuk e di nëse lajmet janë të vërteta, por janë publike se keni firmosur në mungesë të zotit Beqaj. Ekonomi dhe ju të merrni përgjegjësi, firmosni sipas ligjit formularin e deklarimit. Se kuptoj irritimin tuaj, nuk e di pse u bërë kaq emocional, është detyrim ligjor ta bëjmë”, tha Zhupa.  

LEXO EDHE:
FOTOT/ Albana Vokshi përleshet me policët

Lajmi kryesor:

Komisioni Hetimor për ‘Shëndetësinë’, PS refuzon formularin për konfliktin e interesit! S’miraton as kërkesat për informacion, Vokshi: Zvarrisin hetimin

SI.E./r.k./Shqiptarja.com

TAG:
• Plarent Ndreca
• Albana Vokshi
• komisioni hetimor per shendetesine