Ndryshime në Statut, mocion kreut të PS-së kur ka 500 firma
Partia Socialiste pritet të bëjë edhe një ndryshim tjetër në statutin e partisë, për t’i dhënë mundësi çdo kritiku ndaj kryetarit, si në rastin e Ben Blushit, për të kërkuar një mocion mosbesimi ndaj tij. Debatet me dyer të mbyllura. Majko: Blushi ka të drejtë, por Rama fitoi zgjedhjet, Kokëdhima po na ngre nervat. Fleckenstein: Modeli laburist i ngjashëm me PS. VIDEO
TIRANË - Partia Socialiste pritet të bëjë edhe një ndryshim tjetër në statutin e partisë, për t’i dhënë mundësi çdo kritiku ndaj kryetarit, si në rastin e Ben Blushit, për të kërkuar një mocion mosbesimi ndaj tij. Burime pranë selisë së PS-së, thanë për Shqiptarja.com se formula pritet të bëhet më favorizuese për të gjithë ata që duan të testojnë veten përballë kryetarit të partisë.
Bëhet fjalë për një riformulim të nenit 30, i cili thotë se për të kërkuar mocion për shkarkimin e kryetarit, duhen mbledhur fillimisht 1/3 e firmave të anëtarëve të partisë. “Neni 30/ Mandati i Kryetarit të Partisë është 4 vjet.