Ndryshimet në Ligjin e Policisë së Shtetit po perceptohen si kapërcim kompetencash nga prokuroria tek uniformat blu. Me këtë pretekst Presidenti i Republikës ktheu pak ditë më pare ndryshimet, por me shumë gjasë në vijim mazhoranca do ta kaloj në Kuvend.
Që kur projektligji kaloi në Komisionin e Sigurisë Kombëtare filloi debate publik mbi dhënien e kompetencave policisë, të cilat me Kushtetutë i takojnë Organit të Akuzës.
Për juristin Arbër Hoxha, në ndryshimet e parashikuara është problem termi procedim policor.
“Më problematike është futja e termit “procedim policor” dhe marrja e masave të veçanta që konsistojnë në një sërë përgjimesh, filmimesh, pavarësisht nëse janë ambiente publike apo private. I jep të drejtë Policisë së Shtetit dhe drejtorit që të marrë atributet e prokurorit. I merr atribute prokurorit dhe ia jep një organi tjetër, i cili është pjesë e administratës shtetërore, pjesë e Ministrisë së Brendshme”, tha Hoxha.
Avokati Hoxha vëren edhe një tjetër problem. Sipas tij, provueshmëria e veprave penale bëhet nga Kodi i Procedurës Penale. Çdo gjë që del nga procedimi policor nuk mund të përdoret para trupit gjykues.
“Është problemi i provueshmërisë sipas kuptimit të provës, kusht për vlefshmërinë e saktë është që duhet të merret sipas mënyrave të parashikuara nga Kodi i Procedurës Penale. Çdo gjë që do të dilte nga ky i ashtuquajtur “procedim policor” nuk mund të përdoret në gjykatë”, u shpreh Hoxha.
Duke e cilësuar pozitiv vullnetin për luftën ndaj krimit, Hoxha thotë se në vend të këtyre ndryshimeve ligjore që veshin me kompetenca të prokurorisë, policinë, mund të fuqizohen organet ekzistuese.
“E kuptojmë edhe vullnetin e mirë për të luftuar kriminalitetin si fenomen social, por në këndvështrimin tim nuk kemi pse të shpikim instrumente procedural, të cilat jo vetëm që nuk ekzistojnë në botën e qytetëruar ose në Bashkimin Evropian ku pretendojmë të bëhemi pjesë. Ajo që duhet të theksojmë është fuqizimi i organeve ligj zbatuese ekzistuese”, tha Hoxha.
Në kthimin që Presidenti Meta i bëri këtij ligji thuhet se ndryshimet ligjore bien në kundërshtim me pavarësinë e garantuar nga Kushtetuta të strukturave të drejtësisë. Sipas Metës, me ndryshimet ligjore policia mund të kthehet në mekanizëm presioni nga ekzekutivi në procesin zgjedhor.
Lajme të tjera
-
Studimi/ Shqipëria, vendi i 5-të më pak i rreptë përsa i përket gjobave për drejtimin e automjeteve
25 Dhjetor, 12:54 -
Festat e fundvitit, shpërblim për 8 mijë policë! Vendimi brenda javës! Bonus dhe për administratën
25 Dhjetor, 11:17
-
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47
