Ndërhyrje ushtarake në Kosovë? Tërhiqet Vuçiç: Kush e tha një gjë të tillë

Presidenti i Serbisë, Aleksandar Vuçiç është tërhequr nga deklaratat që bëri ditën  djeshme për sa i përket arrestimeve në veri të Kosovës ku deklaronte se ishin të gatshëm të ndërhynin ushtarakisht.

Në një konferencë për media Vuçiç ka thënë se nuk po fliste aspak për një ndërhyrje ushtarak por e kishte fjalën vetëm për të mbrojtur popullin serb në Kosovë.

"Nuk thashë se Serbia do të ndërhyjë ushtarakisht,  thashë se Serbia është e gatshme të mbrojë popullin e saj, të mos shtohen  fjalë që nuk i kam thënë, nuk do të luftojmë, mbajmë paqen me çdo kusht dhe kjo është shumë e rëndësishme  nëse dikush mendon se mund të bëjë një masakër kundër popullit tonë, nuk përmenda asnjë ndërhyrje, ju i përmendët ato", u përgjigj Vuçiç.

“Do të kemi sjellje tjetër ndaj dialoguesve shqiptarë dhe ndaj atyre të cilët në fillim s’u lajmëruan (në telefon)’. Nisën të kujtohen kur e kuptuan se qëllimi ynë për të mbrojtur popullin tonë ishte serioz”, shtoi më pas Vuçiçi.

TAG:
• kosove
• aleksander vucic
• arrestimet ne Mitrovice