Në 5-vjetorin e shenjtërimit të Nënë Terezës, i ndryshohet emri 'Bulevardit Blu' të Kamzës, nga sot do të mbajë emrin e shenjtores

Shtatorja e Nënë Terezës, vendosur në Bulevardin e Kamzës

Bulevardi kryesor i Kamzës, nga sot nuk do të njihet më me emrin 'Bulevardi Blu', por do të quhet Bulevardi "Nënë Tereza". Bulevardi në Kamëz u 'pagëzua' me emrin e ri, në nder të Nënë Terezës, në 5 vjetorin e shenjtërimit të saj.

Në Kamëz u zhvillua sot edhe një ceremonie zyrtare, ku të pranishëm ishin dhe ministrja e Shtetit për Marrëdhëniet me Parlamentin, Elisa Spiropali si dhe kryetari i Bashkisë, Rakip Suli.

Në Bulevard është vendosur edhe shtatorja e Nënë Terezës, e realizuar nga skulptori Ardian Pepa.

"Dita e Shenjtërimit të Nënë Terezës është kujtesë e fortë për mbarë botën se ç'mësim njerëzor i dha kombeve shqiptarja humaniste. Në Kamëz, bashkë me Kryetarin e Bashkisë, Rakip Suli dhe Kryetarin e Këshillit të Qarkut, Aldrin Dalipi, inaguruam shtatoren e shenjtores sonë në bulevardin e qytetit. Me vendim të Këshillit Bashkiak. bulevardi kryesor i qytetit do të mbajë emrin Bulevardi "Nënë Tereza", në nder të emrit dhe misionit të Saj të papërsëritshëm", shkruan Spiropali.

Në tetor të 2008, administrata e dikurshme emëroi bulevardin kryesor të Kamzës ‘Bulevardi blu’, një ngjyrë që identifikon PD-në, kohë kur rrugët e Kamzës u mbushën me emra të ish-drejtuesve të kësaj force politike. 

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 05/09/2021 23:23

    Na e bete nene Terezen si Enverin ne vaktit,uzina Enver,shkolla ushtarake Enver,universiteti Enver Hoxha,porti Enver Hoxha,pa llogaritur bustet,statujat,muzeumin,dhe malet e kodrat me emrin e tij ne gure.Tani ,aeroporti nene Tereza,qendra spitalore nene Tereza,sheshi nene Tereza,bulevardi Nene Tereza,harrova ndonje? Nuk paskan figura te tjera shqipot?! Personalisht mendoj qe /Bulevardi blu/ eshte emer shume me i bukur,duhet t'a kishin ruajtur .

    Përgjigju
  • Sondazhi i ditës:

    A duhet ta legalizojë Shqipëria kanabisin për qëllime mjekësore?



×

Lajmi i fundit

John

Iliri rrëfen ëndrrën e pazakontë me bashkëshorten dhe dëshirën për t’u bërë baba