POP 5

Lajmet më të lexuara të 5 minutave të fundit

Ekonomi

Në 9 muaj 90 mln € më pak investime të huaja se në 2019! Holanda, Italia e Turqia sjellin më shumë para në Shqipëri

Investimet e huaja vijojnë të jenë nën presionin e pandemisë COVID-19. Banka e Shqipërisë raporton se deri në muajin shtator u investuan 711 milionë euro, ose rreth 90 milionë euro më pak se në 2019. Sipas të dhënave fokusi ka qenë industria nxjerrëse, ndërsa ka rënë interesi për energjinë elektrike

Edhe pse ekonomia në 9 muaj ka regjistruar rritje dyshifrore, investimet e huaja ende nuk e kanë kapërcyer efektin e pandemisë COVID-19.

Sipas të dhënave të Bankës së Shqipërisë nga janari në shtator të këtij viti janë investuar nga shtetet e huaja 711 milionë euro. Në raport me vitin e kaluar fluksi i investimeve është vetëm 8 milionë euro më shumë, ndërsa krahasuar me vitin 2019 kur nuk kishte nisur pandemia janë investuar 90 milionë euro më pak.

Investimet më së shumti janë përqendruar në industrinë nxjerrëse në këtë 9 mujor të vitit, ndërkohë që ka rënë interesi për të investuar në energji elektrike, gaz dhe uji.

Nëse në vitin 2019 në energji elektrike u investuan 266 milionë euro në 9 mujor, këtë vit për të njëjtën periudhë janë investuar vetëm 35 milionë euro. Shkak për këtë rënie është edhe përfundimi i dy projekteve TAP-i dhe i kaskadës së Devollit.

Ndërkohë këtë vit sipas Bankës së Shqipërisë janë investuar 147 milionë euro në industri nxjerrëse, ndjekur nga aktiviteti i pasurive të paluajtshme me 141 milionë euro investime. Më pas renditet aktiviteti financiar dhe i sigurimeve me 114 milionë euro dhe industria përpunuese 71 milionë euro.

Holanda është shteti që ka vlerën më të lartë të investimeve në këtë periudhë të vitit me 139 milionë euro, me një rënie prej 38 milionë eurosh krahasuar me një vit më parë.

Më pas është Italia me 103 milionë euro investime nga 94 milionë euro që ishte vlera në 9 mujorin e 2020. Ndjekur nga Turqia me 63 milionë euro dhe Franca me 58 milionë euro investime.

INVESTIMET SIPAS SHTETEVE

Austri          45 mln euro

Franca         58 mln euro

Itali           103 mln euro

Holandë    139 mln euro

Turqi          63 mln euro

FLUKSI I INVESTIMEVE TË HUAJA

Janar-Shtator 2017                      648 mln euro

Janar-Shtator 2018                      755 mln euro

Janar-Shtator 2019                      801 mln euro

Janar-Shtator 2020                      703 mln euro

Janar-Shtator 2021                      711 mln euro

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 27/12/2021 00:59

    /JARI/, e degjove Berishen qe filloi me protesta e ultimatume,po ceshtjen e dyqaneve te aeroportit qe e fituan amerikanet,por ua rrembyen Gjin Gjonet e shoket e tyre,po ai investitori libanez qe iku nga syte kembet pasi e rrahen gangot e ketushem?Keto dhe te tjera jane nje minus per investitoret amerikane.

    Përgjigju
    • @iris: 27/12/2021 11:14

      E dashur Berisha osht debil komplet, por duhet tkuptosh termin investim, se duty free sjane investim goce dhe ta garantoj qe skemi kokrren e investimit amerikan ne shqiperi

  • Mali i Korabit: 26/12/2021 23:13

    Depozitat e shqiptareve ne banka e vendit vetem ne valute sipas nje statistike te gushtit te ketij viti , e kalojne dukshem kete shume te marre ne total, pyetja qe me lind ,perse u dashka te vije paraja nga keto vende nderkohe qe paraja e shqiptareve fle neper banka, perse nuk gjendet nje menyre qe e gjitha kjo shume te shkoje per vepra te medha, ku shqiptaret te jene pronare e ska pse te vije i huaji e te behet pronar i tokes tone te begate, dhe pastaj dalin ne shesh lloj lloj aferash te ndyra e hilesh nga te gjitha palet qe ne jo pak raste perfundojne gjyqeve si rasti i Bechettit e pastaj ta paguaje shoqeria jone demin e krijuar

    Përgjigju
  • Jari: 26/12/2021 20:27

    Te na rroje ambasadorja Kim dhe SHBA-te qe shqetesohen per ekonomine dhe integrimin e Shqiperise. Meqe Amerika na ka partner strategjik dhe i kputet bretku Departamentit te shtetit per NE, atehere si ka mundesi qe nuk kane asnje investim apo investitor ne Shqiperi?? Sepse jemi thjesht nje vend per tu shfrytezuar meqe jemi strategjikisht te favorshem ne mbulimin e mesdheut, pra broçkullat tanime spijne me uje

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu