Shoferi i makinës ML pa targa e ndaluar nga banda e armatosur e PD që patrullonte në Elbasan për “mbrojtjen e votës”, incident që u mbyll me vrasjen e Pjerin Xhuvanit, u mor në pyetje nga skuadra e PD-së që pretendonte se ky njeri po bënte shitblerje votash. Pyetësori, i bërë me metoda të ashpra para se të vinte policia, është filmuar nga Arjan Hoxha, kreu i sigurisë së Gazmend Bardhit. Ajo video është gjetur nga policia në telefonin celular të Arjan Hoxhës dhe tani është provë në duart e prokurorisë kundër grupit të armatosur që tashmë është në qeli. Mes të arrestuarve është edhe Hoxha.
Gjatë marrjes në pyetje në mënyrë të paligjshme, i ndaluari këmbëngulte t’i thonte Arjan Hoxhës dhe pjesës tjetër të grupit paraushtarak të drejtuar nga ish-Renea Arbër Paplekaj, se nuk po bëntë shitblerje votash siç dyshonte grupi i armatosur i PD. Edhe policia dhe prokuroria konfirmuan më pas se në atë Mercedes ML nuk u gjet asgjë e dyshimtë. I friksuar se mos vritej, i ndaluari ka marrë në telefon shokët e tij mes të cilëve edhe Pjerin Xhuvanin, i mbetur i vrarë nga të shtënat që pasuan. Sipas hetimeve Xhuvani ishte i paarmatosur.
Prokuroria tani po përpiqet të rindërtojë bashkë me policinë të gjithë hierarkinë e grupit të armatosur të ndërtuar nga PD dhe të quajtur “Struktura për Mbrojtjen e Votës” (SMV) e përbërë nga ish policë të forcave speciale dhe ish ushtarakë, si 10 të arrestuarit në Elbasan. Për të zbuluar rrjetin e përgjegjësive, hetuesit kanë në dorë 11 celularët e sekuestruar grupit të armatosur përfshi atë të Arjan Hoxhës, që duket të jetë kreu i strukturës paraushtarake të Elbasanit dhe që ishte në kontakt të drejtpërdrejtë me Gazmend Bardhin. Arjan Hoxha, i njohur nga publiku televiziv si “analist” pjesëmarrës në shumë debate si ekspert i sigurisë, është rreshtuar gjithmonë kundër Policisë së Shtetit, gjatë qeverisë së tranzicionit në 2017 ku Gazmend Bardhi ishte ministër i drejtësisë, ishte emëruar drejtor burgjesh.
Pikërisht nga telefonatat e bëra nga komponentët e grupit të armatosur dhe mesazhet e shkëmbyera dhe videot e regjistruara në 11 celularët, prokuroria synon të zbulojë se kush janë drejtuesit e vërtetë të kësaj bande të armatosur të akuzuar përveç vrasjes, edhe për sekuestrim të qytetarëve të zakonshëm, të ndaluar në rrugë vetëm se konsideroheshin kundërshtarë politikë të PD.
Policia ka nisur kontrolle ndaj automjeteve në Elbasan, pas ngjarjes së rëndë ku Pjerin Xhuvani u vra nga ish polici i RENEA-s Arbër Paplekaj, pjesë e strukturës së armatosur në PD të vetëshpallur si mbrojtës së votës.
Ndërkohë, po ashtu janë kontrolluar edhe disa automjete të parkuara përballë zyrës së shtabit elektoral në Elbasan, ku të pranishëm ishin Agron Kuliçi, ish-badigard i Sali Berishës dhe Gazment Bardhi, kandidat për deputet në këtë qark. Ky i fundit është irrituar nga kontrolli i policisë, ndërsa i kërkon policit llogari se çfarë gjeti pas kontrollit. Bardhi kërcënon policët duke i thënë se do të mbajnë përgjegjësi, ndërsa i tha të merren me bandat.
“Ça gjete, më jep mua procesverbal ça gjete në makinën që kontrolleve, atje mund të shkruash ça të duash ti. Jam në të drejtën time, më thuaj ça gjete në makinë, Për ça erdhe në shtabin e drejtuesve politikë të partisë më të madhe të opozitës, kush ju ka dhënë informacione, ça ju kanë thënë? Ju kanë nënshkruar bandat, shkoni atje jo në shtabin tim. Do mbani përgjegjësi secili prej jush, shkoni te bandat, pse nuk shkoni atje? Shkoni po jua mbajti po ju marrin mbarë”, tha Bardhi.
Agron Kulicaj
Gazment Bardhi
Lajme të tjera
-
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Zgjedhjet 2025/ Celibashi: Po punojmë me PD-në për të mundësuar votimin elektronik në qarkun Tiranë
1 Nëntor, 21:45 -
Mbahet edicioni i parë i çmimit ‘Sami Frashëri’ në Belsh, Ben Blushi me ‘Komplotin’ shpallet shkrimtari më i mirë
1 Nëntor, 18:40
-
PS i shtrin dorën e bashkëpunimit opozitës, Etjen Xhafaj: Gati të ulemi në tryezë me PD! Gazetarja: Jo për sy e faqe, duhet të ofroni diçka
1 Nëntor, 15:03 -
PD çon Ligjin për ‘Zonat e Mbrojtura’ në Kushtetuese, Zhupa për Report TV: Kthehen në beton, s’është politikë! S’mund të shndërrohen në vilat e oligarkëve
1 Nëntor, 14:42 -
Aksident në tunelin Elbasan-Tiranë, makina përplaset me kamionin, përfshihet nga flakët! Plagosen 3 persona
1 Nëntor, 13:30 -
Elbasan/ Pjesë e një bande kriminale të trafikut të drogës, bie në pranga 60-vjeçari! Theu masën e sigurisë dhe nuk iu bind policisë të ndalonte
1 Nëntor, 11:25 -
Tabaku për Progres-Raportin: Parlamenti si kalim me pengesa, ka përkeqësime! PS të marrë parasysh shqetësimet tona, ja pse s’e votuam deklaratën e përbashkët
1 Nëntor, 10:45 -
Ylli Pata: Modeli ballkanik i partive të liderëve të burgosur
31 Tetor, 20:16
-
Sqarim për protestuesit që thonë: Ta djegim Tiranën njësoj siç digjet Parisi, Athina, Berlini ……
31 Tetor, 17:54
-
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50
