Në Devoll u gjet një emigrant i vdekur në përrua, banorët: Kalojnë përditë këtej, edhe na dëmtojnë pronat (VIDEO)

Fshati Grapsh në bashline e Devollit ndodhet shumë pranë kufirit me shtetin grek. Mëngjesin 25 janarit banorë të zonës në përroin e fshatit kanë konstatuar një trup pa shenja jete që dyshohet se i përket një emigranti të paligjshëm.

Viktima mendohet se ka kaluar kufirin ilegalisht ashtu sikundër pjesa më e madhe e emigrantëve nga vendet ne konflikt pasi largohen nga kampet greke kalojnë ilegalisht kufirin dhe përdorin me pas Shqipërinë si vend tranzit për të kaluar në një nga vendet e BE.

Kryetari i fshatit  Dhimitër Rado dhe banorë te zonës tregojnë sesi e gjeten trupin e pajete ndërsa shtojnë se prej tri ditësh emigranti i paligjshëm ishte shpallur ne kërkim nga Policia Kufitare pas sinjalizimit qe kishin marre nga grupi me te cilin viktima kishte udhëtuar.  

"Nuk kishte ujë të pijshëm dhe shkuam për ta kontrolluar rrjetin. Ai kish qenë me njërëz të tjerë. Kish pasur probleme nga këmbët dhe i sëmurë dhe e kishin lënë. Ai ishte në përrua. Ne nuk bëmë asnjë lloj veprimi dhe në momentin që e pamë morëm policinë. Ka shumë në këto anë. Edhe prishin punë, edhe koshere bletësh na kanë dëmtuar. Por ka edhe hallexhinj që ne i ndihmojmë", thotë njëri prej tyre banorët.

"Ka raste që vijnë në darkë dhe flenë këtu", tha tjetri.

"Erdhën 4-5 makina, e morën dhe e futën në arkivol. Emigrantë të paligjshëm kalojnë përditë. Pardje kaluan 11. Policia vjen kur i njoftojmë. Ata përditë kalojnë.  25 kuverta kishin marrë, hapin derën, shkallmojnë", deklaron një tjetër.

Nga këqyrja paraprake e trupit të tij, nuk janë konstatuar shenja dhune dhe dyshohet se ky shtetas mund të ketë gjetur vdekjen për shkaqe aksidentale.  Trupi i pajetë ndodhet në morgun e spitalit , nga ku pritet përgjigjja e ekspertizës mjekoligjore për të përcaktuar shkakun e vdekjes.

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës