'Në fillim pati tym, më pas dolën flakët', tifozi i Partizanit rrëfen djegien e autobuzit

Superkupa e Shqipërisë e zhvilluar të dielën ka rrezikuar të kthehet në një tragjedi. Kjo për shkak se një autobus i tifozëve të Partizanit është shkrumbuar tërësisht gjatë kthimit për në Tiranë, pas përfundimit të ndeshjes. Ngjarja ka ndodhur rreth orës 11 të ditës së dielë dhe brenda autobuzit bëhet e ditur se kanë qenë rreth 30 tifozë të skuadrës së kuqe.

Fatmirësisht nga situata e krijuar nuk ka patur asnjë të lëndur. Për ‘report TV’, njëri nga tifozët i cili ka qenë brenda autobuzit dhe nuk kërkon të identifikohet, ka rrëfyer ngjarjen. “Teksa po ecnim fillimisht pamë se autobuzit po i dilte tym. Disa çaste më vonë kuptuam se ishte djegur motori dhe si rrjedhojë filluan të dilnin flakët. Në ato momente patëm pak vështirësi teksa dilnim jashtë, por kur zbritëm të gjithë ishim mirë.”

Në pamjet e siguruara nga ‘Report TV’ dallohet autobuzi i cili është përpirë i gjithi nga flakët. Edhe pse zjarrfiksja është mundur të vendosë nën kontrrol situatën në fund autobuzit i ka mbetur vetëm skeleti. Të gjithë tifozët që kanë qenë brenda tij janë larguar më pas me automjete personale.

LEXO EDHE:
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet

Të 30 ata që gjendeshin brenda autobuzit ishin me vendbanim në Tiranë dhe më herët gjatë të dielës kishin udhëtuar në Elbasan për ndeshjen e Superkupës kundër Kukësit.

TAG:
• partizani
• digjet autobusi

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1553

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq