Në fillim të Vitit të Ri, merr flakë një apartament në një pallat në lagjen 'Don Bosko' në Tiranë! Drejtori i Policisë, Gledis Nano: Në banesë nuk ka persona të lënduar

TIRANË- Një apartament në pronësi të shtetasit G. B ka marrë flakë në lagjen Don Bosko në Tiranë. Për fat të mirë nuk ka persona të lënduar, por vetëm dëme të shumta materiale! Zjarrfikësja dhe policia kanë mbërritur në vendin e ngjarjes dhe po punojnë për të shuar flakët.

Drejtori i Përgjithshëm i Policisë së Shtetit, Gledis Nano tha në një prononcim për mediat nga sheshi 'Skënderbej', se në banesë nuk ka pasur persona, ndërsa po punohet për të përcaktuar shkakun e zjarrit.

'Është një banesë, kemi marrë njoftim. Po marrim masa për shuarjen e zjarrit. Në banesë nuk ka asnjë person të lënduar. Për shkakun do të ketë një njoftim tjetër për shtyp.'- tha drejtori i Policisë së Shtetit Gledis Nano.

Më tej drejtori i Policisë së Shtetit, tha se deri tani nuk ka pasur asnjë indicdent. Ndërkohë policia ka reaguar për ngjarjen.

'Me datë 01.01.2022, rreth orës 00:10, në "Don Bosko", ka rënë zjarr në katin e katër të një pallati, në banesën në pronësi të shtetasit G. B., ku ka vetëm dëme materiale. Në vendngjarje ndodhen forcat zjarrfikëse të cilat po punojnë për fikjen e zjarrit.  Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit.'- njofton policia.

 

Pamje nga zjarri

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polici: 01/01/2022 22:03

    Semundje e vjeter....Nuk i takon drejtorit te pergjithshem te merret me nje ngjarje ne dukje aksidentale! E shumta me te duhet te merret oficeri i gatshem dhe polici i zones.

    Përgjigju
  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Ka përplasje edhe pranë Hotel Hilton ku qëndron ekipi i Feyenoord