Në garë për bashkinë Shkodër, kandidati i dyshes Berisha-Meta: Shkodra nuk ka 2 alternativa por vetëm një

Në prag të zgjedhjeve të 14 majit, kandidati i koalicionit Berisha-Meta zhvilloi një takimin përmbyllës me banorët e rajonit nr.2.

Në fjalën e tij kandidati për këtë bashki Bardh Spahia tha se në gjithë këtë fushatë kundërshtarët politik që për 10 vite persekutuan Shkodrën, edhe në këto ditë nuk reshtën se hedhuri baltë ndaj saj. Mashtrimet janë kryefjalë e tyre prandaj shkodranët do t’i refuzojnë me votë tha ai.

LEXO EDHE:
Shkodër/ Qytetarët presin në shesh ndërrimin e viteve me koncert dhe fishekzjarre, edhe kryebashkiaku Beci prezent

“Kam dëgjuar shpesh gjatë kësaj periudhe se si synohet të hidhet baltë në qytetin tonë të mrekullueshëm, duke e etiketuar si të prapambetur, të pisët, si të zymtë dhe të lënë në errësirë nga ata që bëjnë çdo gjë që ti mbyllin rubinetin e financimeve Shkodrës” tha Spahia.

Më tej ai foli për investimet e realizuara dhe ato të parashikuara për këtë 4 vjeçar, ku theksoi se gjërat e mira që janë bërë në Shkodër janë vetëm nga taksapaguesit shkodranë dhe jo nga financat e qeverisë.

“Shikoni diferencën që ka në financime nga institucionet e qeverisjes qendrore, çfarë kemi bërë gjatë gjithë këtyre viteve dhe vazhdojmë të bëjmë, e bëjmë nga taksat e taksapaguesve shkodranë, të cilat jemi munduar t’jua mbajmë sa më të pakta që t’ju lehtësojmë si barrë bashkëqytetarëve tanë.E vetëm nëpërmjet tyre kemi arritur të bëjmë disa nga punët më të mira, pasi në themel të punës tone kemi vënë transparencën dhe ndershmërinë për kursimin. Për të disatin vit rresht dhe këtë vit që unë drejtoj bashkinë kemi dalë bashkia në vend të parë për transparencën dhe mirëmenaxhimin ” tha Spahia.

Më tej përpara banorëve të këtij rajoni, kandidati Spahia e bëri të qartë se Shkodra nuk ka 2 alternativa por vetëm një dhe se qytetarët e saj nuk mund ta lënë drejtimin e bashkisë në duart e atyre që kanë patur rastin të tregojnë vëmendje por vetëm e persekutuan Shkodrën.

TAG:
• Shkoder

Sondazhi i ditës:

Çfarë prisni në vitin 2025?

• Punë

  10.1%

• Shëndet

  71.6%

• Mirëqënia

  18.3%

Vota total: 887

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia