Në gjendje të dehur dhe me fëmijën 5 vjeç në makinë, arrestohet shoferi në Tiranë, tenton ti shpëtojë policisë

Një shofer me iniciale A.D është vënë në pranga nga policia e Tiranës.

Ai është ndaluar fillimisht pasi mbante fëmijën 5 vjeç në vendin e parë të makinës pa sisteme fiksimi por më pas policia ka konstatuar që ai ishte dhe në gjëndje të dehur.

Pasi i është kërkuar që të kryejë testin e alkoolit, ai ka refuzuar dhe është larguar menjëherë me mjet, me shpejtësi, dhe për këtë arsye, punonjësit e Policisë i janë vënë menjëherë në ndjekje dhe në rrugën "4 Dëshmorët" kanë bërë ndalimin e tij.

Sërish këtu efektivët janë përballur me rezistencën e tij pasi ai nuk ka pranuar të bëjë testin e alkoolit dhe pas këtij kundërshtimi të dytë është shoqëruar për në ambientet e Komisariatit të Policisë Nr.

4, Tiranë, ku edhe në ambientet e Komisariatit ka refuzuar t’i nënshtrohej testit të alkoolit.

Më pas policia ka lajmëruar familjarët e fëmijës që është marrë më vonë nga nëna e tij.

Përveç ndëshkimit për shkeljet rrugore, ku i është pezulluar leja e drejtimit për 24 muaj, iu zbriten 15 pikë nga leja e drejtimit ai u ndëshkua dhe me masë administrative me 30.000 lekë të rinj.

Materialet i kaluan Prokurorisë, për veprime të mëtejshme procedurale.

E.K/Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri